Bul bastama ótken jyly «Ortalyq Azııa plıýs Japonııa» dıalogtyq alańy aıasynda kóterilgen edi. Alty eldiń kóshbasshylary Qazaqstanda kezdesý ótkizýge kelisken bolatyn. Alaıda, Japonııanyń sol kezdegi premer-mınıstri Fýmıo Kıshıda eldiń Tynyq muhıty jaǵalaýyndaǵy Nankaı jazyǵynda bolýy yqtımal joıqyn zilzalaǵa baılanysty sońǵy sátte sapardan bas tartqannan keıin jıyn keıinge shegerilgen edi.
Qazaqstanda ótken kezdesý barysynda Takeshı Iveıa Murat Nurtileýge Japonııa tarapynan yntymaqtastyqty odan ári nyǵaıtýǵa nıetti ekenin jetkizdi. Onyń aıtýynsha, mıneraldyq resýrstardy ıgerý, japon kompanııalaryn aımaqtyq naryqqa tartý, sondaı-aq ekonomıkadaǵy áriptestikti keńeıtý kún tártibindegi mańyzdy baǵyttardyń biri bolmaq.
О́z kezeginde Murat Nurtileý Qazaqstannyń Japonııamen saýda, ınvestısııa jáne ekonomıkalyq yntymaqtastyq salalaryn tereńdetýge múddeli ekenin atap ótti. Mınıstrdiń pikirinshe, bul baılanystar tek ekijaqty qarym-qatynasty ǵana emes, búkil Ortalyq Azııa aımaǵy úshin jańa múmkindikter ashpaq.
