UKO-nyń aıtýynsha, bastysy durys jaǵdaı jasaý. Birinshiden, jaryq jaqsy bolýy kerek. Terezeniń qasyna otyrsańyz nemese betińizdi tolyq kórsetetin sham jaqsańyz, júıe sizdi ońaı tanıdy. Al eger jaryq artyńyzda bolsa, kamera bet-júzdi anyq kórmeı qalýy múmkin.
Ekinshiden, kamerany durys qoıyńyz. Ol tym joǵary ne tómen emes, týra kózińizdiń deńgeıinde turýy kerek. Sonda kóleńke túspeıdi, júıe qate tanymaıdy.
Taǵy bir mańyzdy nárse – qurylǵyny tańdaý. Kompıýtermen kirgende aldymen QR-kod shyǵady. Sol kodty telefon arqyly skanerlep, bıometrııadan smartfonmen ótken áldeqaıda jyldam ári turaqty bolady.
UKO eskertken taǵy bir jaıt – eger onlaın bıometrııadan nátıje shyqpasa, onda eń jaqyn HQKO-ǵa baryp ótýge bolady. Nemese digital-id.freshdesk.com saıtyna kirip, tehnıkalyq qoldaý qyzmetine júginýge múmkindik bar.
