Foto: Aqorda
Osyǵan oraı Memleket basshysy Qasym-Jomart Toqaev óziniń X áleýmettik jelisindegi paraqshasynda beıbitshilikti nyǵaıtý men ıadrolyq qarýdan bas tartýdyń mańyzdylyǵyna toqtaldy.
«Búgin – Iаdrolyq synaqtarǵa qarsy halyqaralyq is-qımyl kúni. Bul ataýly kúndi BUU Bas Assambleıasy Qazaqstannyń bastamasymen bekitti. Halqymyz atom qarýyn synaýdan qatty zardap shekti. Mundaı qasiret qaıtalanbaýǵa tıis. Biz keıingi urpaqtyń jarqyn bolashaǵy úshin beıbitshilikti nyǵaıtyp, halyqaralyq áriptestikti damyta túsýimiz kerek. Iаdrolyq qarýdan jáne synaqtardan birjola bas tartýǵa kúsh salýymyz qajet. Beıbitshilik pen qaýipsizdik – búkil adamzatqa ortaq eń basty qundylyqtar», dep jazdy Qasym-Jomart Toqaev.
