Onyń qurylysy qarjylandyrý tapshylyǵyna baılanysty tórt jylǵa jýyq ýaqytqa sozylyp ketken edi. Osy ýaqyt aralyǵynda 600-den astam oqýshy tar ári jarty ǵasyr buryn salynǵan eski ǵımaratta bilim alýǵa májbúr boldy. Jobanyń aıaqtalýyna «AMANAT» partııasynyń tikeleı aralasty. Partııa bastamasymen oblystyq bıýdjetten qosymsha qarajat bólinip, fraksııa depýtattary qurylys barysyn turaqty baqylaýda ustady.
Partııanyń oblystyq fılıalynyń atqarýshy hatshysy Erlan Jaqypovtyń aıtýynsha, bastapqyda nysandy aıaqtaýǵa memleketke zańsyz shyǵarylyp, keıin qaıtarylǵan aktıvter esebinen 1,5 mlrd teńge bólingen. Alaıda bul soma jetkiliksiz boldy.
«Osy kezde jaǵdaıǵa «AMANAT» partııasy aralasty. Partııanyń bastamasymen oblystyq bıýdjetten qosymsha qarajat bólindi. Depýtattar ár kezeńde jumys sapasyn baqylap otyrdy. Sonyń nátıjesinde aýyl turǵyndarynyń kópten kútken armany oryndalyp, jańa mektep óz esigin ashty», – dedi ol.
Budan bólek, jańa oqý jylynda Almaty oblysynda taǵy segiz mektep paıdalanýǵa berildi. Olardyń barlyǵy ulttyq «Keleshek mektepteri» jobasy aıasynda salynǵan. Aıryqsha atap óterligi – Ile aýdanyna qarasty Muhamedjan Túımebaev aýylynda ashylǵan 900 oryndyq mektep. Bul nysan «AMANAT» partııasynyń saılaýaldy baǵdarlamasy aıasynda boı kóterip, partııanyń tikeleı baqylaýynda boldy.
«Partııa apatty jáne úsh aýysymdy mektepterdi joıýdy mindet etip qoıdy. Eki jyl buryn oblysta mundaı 52 mektep bolǵan. Búgingi mekteptiń ashylýy – sol ýádeniń oryndalǵanynyń dáleli. Ol Jol kartasynda belgilengen 63 nysannyń biri. Munda STEM zerthanasy, robototehnıka kabıneti, sport jáne shyǵarmashylyq synyptar jabdyqtalǵan», – dep atap ótti oblystyq fılıaldyń atqarýshy hatshysynyń orynbasary Aslan Kóbentaev.
Aıta keteıik, bilim berý ınfraqurylymyn damytý – «AMANAT» partııasynyń basty basymdyqtarynyń biri. Jańa mektepterdiń ashylýy úsh aýysymdy oqytýdy azaıtyp qana qoımaı, muǵalimder úshin turaqty jumys oryndaryn kóbeıtýge, sondaı-aq myńdaǵan oqýshyǵa zamanaýı ári qaýipsiz jaǵdaıda bilim alýǵa múmkindik beredi.Búgin oblysymyzdaǵy 491 mektep esigin aıqara ashyp, 362 myńnan asa oqýshy oqý jylyn bastady. Osy oqý jylynda tek 1 synyptardyń ózine 35 500 bala qabyldanyp otyr. Bul barlyq bala sanynyń 10% paıyzyn quraıdy jáne óńirde bala sanynyń qarqyndy ósip otyrǵandyǵyn kórsetedi.
Almaty olblysy.
