Qaıǵyly jaǵdaı 1 qyrkúıekte keshki ýaqytta Tarazdaǵy aýlalardyń birinde boldy. Qansyrap jatqan jasóspirimdi kezdeısoq ótip bara jatqan adamdar baıqap qalǵan. Olardyń aıtýynsha, jedel járdem shaqyrylǵan sátte bala áli tiri bolǵan, alaıda kelgen dárigerler onyń ómirden ótkenin rastady.
Kúdikti sol kúni ustaldy. Ol – 15 jastaǵy taý-ken tehnologııalyq kolledjiniń stýdenti. Eki jasóspirim de tańerteń mekteptegi saltanatty jıynǵa qatysqan, al keshke aralarynda bastalǵan janjal tóbeleske ulasyp, sońy pyshaqtasýǵa deıin barǵan.
Qazir bul oqıǵa boıynsha qylmystyq is qozǵaldy.
«Jedel-izdestirý sharalary nátıjesinde kámeletke tolmaǵan kúdikti oqıǵa izi sýymaı ustalyp, ýaqytsha ustaý ızolıatoryna qamaldy. Qazirgi tańda bolǵan jaıttyń barlyq mán-jaıyn anyqtaýǵa baǵyttalǵan tergeý amaldary júrgizilip jatyr», dep habarlady polısııa.
