Nursultan Hamzauly – Batys Qazaqstan oblysy, Tasqala aýdany, Aqtaý aýylynyn týmasy. Qarapaıym aýyl balasy erte jastan tártipke daǵdylanyp, eńbekpen eseıdi. Oral qalasyndaǵy № 4 jalpy bilim beretin mektepti támamdap, joǵary bilim alý úshin Qazaqstan ınnovasııalyq jáne telekommýnıkasııalyq júıeler ýnıversıtetine tústi. Ákesi men anasy Nursultandy adaldyqqa, otansúıgishtikke baýlydy.
Jasóspirim kezinen sportqa den qoıyp dzıýdo kúresimen aınalysa bastady, Sport ony tártip pen shydamdylyqqa baýlyp, batyldyq pen jeńiske degen jigerin janydy. Dzıýdo kúresinen qalalyq, oblystyq birinshilikterde olja salyp top jardy. Keıinirek Nursultannyń qoıan-qoltyq urysyna qyzyǵýshylyǵy oıanyp, shuǵyldanyp kórýge bet burdy. Bul sheshimi onyń bolashaq jaýyngerlik ómirine aıtarlyqtaı áser etti.
Merzimdi áskerı qyzmetin Qaraǵandy qalasyndaǵy Ulttyq ulannyń 6505 áskerı bóliminde atqaryp, «efreıtor» áskerı ataǵymen oraldy. Áskerı ómir ony tártip pen jaýapkershilikke baýlydy. 2019 jyly Qazaqstan qarýly kúshteri Shekara kyzmetiniń 2029 áskerı bólimine kelisimshart negizinde qabyldandy. Laýazymdyq mindetterin úlken jaýapkershilikpen atqaryp, tájirıbesin shyńdaı tústi.
Arada eki jyl etkende Arnaýly maqsattaǵy basqarmaǵa aýysty. Áskerı jattyǵýlar men arnaıy daıyndyqtarda úzdik nátıje kórsetti. Tek dene daıyndyǵymen ǵana emes, taktıkalyk oılaý qabiletimen de ózgelerden daralandy. Tyndyrymdy eńbegi jemissiz bolǵan joq. Talantty sportshy 2024 jyly alǵashqy ofıserlik shen «leıtenant» áskerı ataǵyn aldy. Bul ofıserge zor jaýapkershilik júktedi. Áskerı qyzmetpen qatar, sporttaǵy jetistikterimen de tanyldy. Qoıan-qoltyq urystan Oral men Almaty qalalarynyń, oblystyq, respýblıkalyq týrnırlerde jeńiske jetti. Qazaqstan kýbogy men UQK Shekara qyzmeti dırektorynyń kýbogyn jeńip aldy.
Sonymen qatar, Arnaýly maqsattaǵy basqarma men 6505 áskerı bóliminiń chempıony atandy. Otan aldyndaǵy mindetin abyroımen atqaryp júrgen Nursultan - el qorǵany bolýdyń jarqyn úlgisi. Onyń áskerı qyzmettegi jetistikteri, sporttaǵy jeńisteri jáne ómir synyndaǵy tabandylyǵy jastarǵa ónege. Erlik - elge qaltqysyz qyzmet etýden bastalady. Nursultan Muratov osy jolda adal eńbek etip keledi.
