Foto: inbusiness.kz
О́ńirlik IT habtar ınnovasııalyq ekojúıeniń negizgi elementine aınaldy. Qazirdiń ózinde Qazaqstanda olardyń 19-y bar. Sonymen qatar Saýd Arabııasy, AQSh, Ulybrıtanııa, Dýbaı jáne Qytaıda sheteldik alańdar ashylǵan.
Astana Hub halyqaralyq seriktestermen birlesip startap-ekojúıeni damytyp jatyr. AI’Preneurs jáne Silk Way Accelerator (Google-men seriktestikte) baǵdarlamalary sheńberinde qazaqstandyq jobalar álemdik naryqtarǵa shyǵady. AlchemistX, Draper University jáne Silkroad Innovation Hub-pen yntymaqtastyqtyń arqasynda Kremnıı alqabynda 40-tan astam startap akselerasııadan ótti. 2026 jylǵa qaraı Qazaqstan $1 mlrd kólemindegi IT-qyzmetter eksportyna qol jetkizýdi maqsat etip otyr.
Tech Orda baǵdarlamasy 2025 jyly 100 000 IT mamanyn oqytýdy qarastyryp otyr. Onlaın jáne oflaın baǵdarlamalar – Tomorrow School, AI’Preneurs, Decentrathon 2.0, sondaı-aq mamandandyrylǵan kýrstar: AI-People Bootcamp ı AI Quest 1.0 júrgizilip jatyr.
Sondaı-aq Ortalyq Eýrazııada alǵash ret memlekettik qyzmetshilerdi JI-men jumys isteý daǵdylaryna úıretetin AI Qyzmet baǵdarlamasy iske qosyldy. Ol jumys prosesterine sıfrlyq quraldardy engizý arqyly memlekettik qyzmettiń tıimdiligin arttyrýǵa baǵyttalǵan.
«2024-2025 jyldar JI salasyndaǵy mańyzdy bastamalar kezeńi boldy. 2029 jylǵa deıingi tujyrymdama bekitildi, JI jáne sıfrlyq transformasııany damytý strategııasy, sondaı-aq jasandy ıntellekti boıynsha zań jobasy ázirlenip jatyr», dedi Jaslan Mádıev.
Halyqaralyq Alem.AI jasandy ıntellekti ortalyǵyn iske qosý jumystary júrgizilip jatyr, bul mamandardy daıarlaý jáne ǵylymı zertteýler alańy bolady.
Jaqynda qazaq tilindegi eń iri tildik model – AlemLLM barshaǵa qoljetimdi bola tústi. Ony startaptar, ýnıversıtetter, kompanııalar jáne halyqaralyq platformalar qoldana alady.
Shilde aıynda Ortalyq Azııadaǵy alǵashqy alem.cloud sýperkompıýterlik klasteri iske qosyldy. Bul bıznes pen zertteýshilerge JI salasyndaǵy sheshimderin ázirleý úshin qol jetimdi.
Aitu ulttyq messendjeri
О́zimizdiń kommýnıkasııalyq platformalarymyzdy damytýǵa da erekshe kóńil bólinip keledi. Aitu ulttyq messendjeri memlekettik sıfrlyq platforma mártebesin alyp jatyr. Onda memlekettik qyzmetter ıntegrasııalanyp, kıberqaýipsizdik jáne derekterdi qorǵaý jónindegi sharalar júzege asyrylady.
