Qazirgi tańda sehta munaıshylarǵa, dárigerlerge jáne qurylysshylarǵa arnalǵan arnaýly kıimder tigiledi. Sehta 20-dan astam bilikti tiginshi eńbek etip, jylyna 5 myń dana arnaıy kıim shyǵarady.
Kásiporyn ókili Renata Ýmbetalıevanyń aıtýynsha, tigin sehy jyl saıyn damyp, óndiris kólemin ulǵaıtyp keledi.
Memleketten beriletin qoldaý biz úshin úlken múmkindik boldy. Sýbsıdııa alý arqyly kásibimizdi jolǵa qoıdyq. Búgingi tańda biz úshin eń bastysy - sapa men tutynýshynyń senimi. Bolashaqta óndirisimizdi keńeıtip, úlken fabrıka ashý maqsatymyz. Bul arqyly jańa jumys oryndaryn quryp, óńir ekonomıkasyna óz úlesimizdi qosqymyz keledi, - dedi Renata Ýmbetalıeva.
Bul bastama aımaqtaǵy shaǵyn bıznestiń damýyna, jańa jumys oryndarynyń kóbeıýine jáne jumysshy mamandyqtardyń mártebesin arttyrýǵa serpin berip otyr.
