Foto: ashyq derekkóz
«Bıýdjetten qomaqty qarjy bólinip jatqanyna qaramastan, agrarlyq ǵylymnyń qaıtarymy áli de tómen. Ǵylymı ázirlemelerdi kommersııalandyrý deńgeıi 17 paıyzdan aspaıdy. Al, tıisti oqý oryndaryn támamdaǵan túlekterdiń nebári 40 paıyzy ǵana salada eńbek etedi. Agroǵylym men jerdegi tirshiliktiń arasynda alshaqtyq bar», dedi Prezıdent.
Qasym-Jomart Toqaev buǵan deıin Ulttyq agrarlyq ǵylymı-bilim berý ortalyǵyn agrotehnologııa haby retinde qaıta qurý týraly tapsyrma bergenin eske saldy. Endigi basty mindet – aýyl sharýashylyǵy ǵylymyn damytýdyń naqty josparyn ázirleý.
«Bul qujat sıfrlyq tehnologııalardy qoldanýǵa jáne salanyń ónimdiligin edáýir arttyrýǵa arnalǵan jospar bolýǵa tıis», dedi Memleket basshysy.
Prezıdent veterınarııa men fıtopatologııanyń kenjelep qalýyna da erekshe nazar aýdardy. Onyń aıtýynsha, osy olqylyqtar agroónerkásip kesheniniń básekege qabiletin aıtarlyqtaı shektep otyr.
