«Qaraǵandy oblysy ekonomıkasynyń ósimi turaqty sıpatqa ıe. Bul – Memleket basshysy mejelegen mindetterdiń ýaqtyly ári sapaly oryndalýyna negiz bolyp otyr. Jyl saıyn barlyq salada damý qarqyny artyp keledi. Onyń ishinde jetekshi róldi ónerkásip, ásirese óńdeý sektory atqarady.
О́ńirde elimizdegi koksteletin kómirdiń túgeli, energetıkalyq kómirdiń úshten biri, túrli-tústi jáne qymbat baǵaly metaldardyń qomaqty bóligi, sondaı-aq jalpaq prokattyń 100%-y óndiriledi. Bul – aımaqtyń ǵana emes, tutas eldiń ónerkásiptik qýatynyń tiregi», deıdi oblys ákiminiń orynbasary Álibek Áldeneı.
Bıznes ósimi men ınvestısııa tartýǵa, ekonomıkanyń túrli salalaryn damytýǵa jan-jaqty jaǵdaı jasalyp otyr. Sonyń nátıjesinde oblys el ekonomıkasynyń damýyna aıtarlyqtaı úles qosyp, jalpy ishki ónim kólemi boıynsha tórtinshi oryndy ıelenip otyr.
Bıyl 7 aıda oblysta 2,7 trln teńgeniń ónimi óndirilip, bul kórsetkish 7,3%-ǵa artty. О́ńir ishki jalpy ónim kórsetkishi jóninen respýblıkada 4-oryn alyp otyr. Byltyrdan bastap oblysta jalpy quny 4,5 trln teńgeni quraıtyn 120 ınvestısııalyq joba pýly jasaqtalyp, 20 myńnan astam jańa jumys orny qurylmaq. Bıyldyń ózinde 29 ınvestısııalyq jobany júzege asyrý josparlanǵan, sonyń 15-i – ónerkásip pen óńdeý salasynda.
Jyl basynda myrysh zaýyty óz jumysyn bastady. «Silk Road Electronics» kásipornynda «Samsung» teledıdarlary men kir jýǵysh mashınalaryn shyǵarý jelisi iske qosyldy. Jyl sońyna deıin taǵy birneshe óndiris nysany paıdalanýǵa beriledi. «Tempo Kazahstan» bolattan tik jikti qubyrlar óndirisi, «Sılýmın of Kazahstan» alıýmınıı radıatorlarynyń jańa legi, «Qaragandy Power Silicon» kremnııli qorytpalar isi, «Gıperboreıa» atty qýaty 150 MVt jel elektr stansasy iske qosylady dep kútiledi. Ákimdik ınvestorlarmen tikeleı jumys isteýge yntaly. Bul rette Investorlarǵa qyzmet kórsetý ortalyǵy jumys istep, ınvestısııalyq shtab ózekti máselelerdi jedel qarastyryp, naqty sheshimder qabyldaıdy.
«Saryarqa» arnaıy ekonomıkalyq aımaǵy da búginde aıtarlyqtaı nátıjelerge qol jetkizdi. Munda jalpy kólemi 211 mlrd teńge ınvestısııa tartyldy. О́ndiris oryndary 258 mlrd teńgeniń ónimin shyǵaryp ta úlgerdi. Sonyń nátıjesinde memleket qazynasyna 26 mlrd teńge salyq tústi. Aımaqta 1 300 turaqty jumys orny ashyldy. Munda 24 qatysýshy tarap tirkelgen, onyń ishinde 11 joba iske qosylyp, 13-i júzege asyrylyp jatyr.
«Dástúrli metallýrgııadan bólek, mashına jasaý, rezeńke men plastmassa buıymdary óndirisi jáne basqa da salalardy damytyp jatyrmyz. Mashına jasaý óndirisiniń ósimi 1 400 avtobýs pen arnaıy tehnıkanyń shyǵarylýy esebinen qamtamasyz etildi. Budan bólek, 131 myń turmystyq tehnıka men 372 myń avtokólik shınasy óndirildi. Munyń barlyǵy óńir ekonomıkasyn ártaraptandyrýdyń negizgi qozǵaýshy kúshine aınaldy», deıdi oblys ákiminiń orynbasary.
«Saran» ındýstrııalyq aımaǵynda «HOWO» markaly júk tehnıkasyn shyǵaratyn zaýyttyń qurylysy bastaldy. Joba aýyr tehnıkany ımporttaýǵa táýeldilikti azaıtýǵa baǵyttalǵan. Onyń júzege asýy shamamen 1 000 jańa jumys ornyn ashýǵa múmkindik beredi. Tolyq qýatqa shyqqan soń zaýyt jylyna 10 myńǵa deıin tehnıka óndiredi.
Jumysshy mamandyqtar jyly aıasynda kásiporyndar men kolledjderdiń baılanysy kúsheıgen. Qazir 8 joǵary oqý orny, 52 kolledj bar, onyń 40-y dýaldy oqytý júıesinde. Jalpy, 33 myń stýdent bilim alyp jatyr. Saran qalasynda da óndiristik qajettilikke saı jańa mamandyqtar ashyldy. Atap aıtar bolsaq, rezına-tehnıkalyq óndiris, shınalar óndirisi, «QazTehna» úshin avtokólik boıaýshysy jáne avtoqurastyrýshy mamandyqtary. «Qarmet» oqý ortalyǵy bazasynda korporatıvtik ýnıversıtet qurylyp, «Jumys tap» jáne «WorldSkills» jobalary arqyly qaıta daıarlaý men biliktilikti arttyrý baǵdarlamalary qolǵa alyndy.
«О́ńirdiń ken baılyǵyn eskere otyryp, sheteldik kompanııalar barlaý jumystaryn júrgizip jatyr. Iаǵnı mıneraldy-shıkizat bazasyn keńeıtip, sırek kezdesetin jáne qymbat metaldardy qaıta óńdeýge arnalǵan jańa óndiristerdi salýǵa tyń múmkindik beredi. Mysaly, Quıryqtykól ken ornynda geologııalyq barlaý jumystary aıaqtaldy. Sırek kezdesetin jer metaldarynyń boljamdyq qory – 28,2 mln tonna. Altyn, mys jáne volframnyń áleýeti zor ken oryndary da qosymsha anyqtaldy», deıdi oblys ákiminiń orynbasary Álibek Áldeneı.
Qaraǵandy oblysy
