Údemeli zamanymyzda oqýǵa jáne damýǵa qabiletti bolý – kez kelgen mamanǵa qoıylatyn basty talaptardyń biri. Kompanııalar qyzmetkerlerdiń kásibı deńgeıiniń ósýi bıznestiń tabysyna tikeleı áser etetinin túsinip, bilim berýge qarajat bólýge jıi bet burýda. Qyzmetkerler úshin bul – biliktilikti arttyrý, kásibı daǵdylardy damytý jáne mansap qurý múmkindigi, al kompanııalar úshin – básekege qabilettilikti nyǵaıtýdyń joly.
«Jomart Esenǵulov – osy baǵdarlamaǵa qatysýshylardyń biri. Ol óziniń eńbek jolyn marksheıderlik qyzmette ken jumysshysy retinde bastady. Kompanııa bergen granttyń arqasynda ol Abylqas Saǵynov atyndaǵy Qaraǵandy tehnıkalyq ýnıversıtetine oqýǵa túsip, bıyl «Marksheıderlik is» mamandyǵy boıynsha oqýyn bitirdi. Jomarttyń alǵan bilimi oǵan taý-ken jumystaryn josparlaý boıynsha jetekshi ınjener laýazymyn alýǵa múmkindik berdi. «Jumys berýshi beretin granttar – jolda jata bermeıtin múmkindik. Kompanııanyń jumysshylaryna berip otyrǵan osyndaı múmkindikterine alǵysym sheksiz», deıdi ol.
Taǵy bir aıtpaı ketýge bolmaıtyn mysaldardyń biri – Erden Taıjanov.
«Jer asty kenishinde 12 jyl jumys istegennen keıin ol kenishke dıspetcher bolyp ornalasty. Salalyq bilimi bolmaǵan Erden bul jaǵdaıdy ózgertýge bel býdy. 37 jasynda ol Stepnogor taý-ken tehnıkalyq kolledjine «Paıdaly qazbalar ken oryndaryn jer asty ádisimen ıgerý» mamandyǵy boıynsha oqýǵa tústi. Oqýynyń aqysyn tolyqtaı kompanııa tólep berdi. Oqý barysynda Erdenniń qyzmeti ósip, ken qoımasyn baqylaý sheberi laýazymyna taǵaıyndaldy. «Otbasym bar, úsh kishkentaı qyzym bar, men kompanııanyń óziniń qyzmetkerlerine jasap jatqan ıgi isterine óte rızamyn. Bilimime salynǵan qarajat kásibı bilimimdi jetildirip, jańa maqsattarǵa jetýge kómektesedi dep senemin», deıdi ol.
Osy bir-eki baıan – úlken tájirıbeniń kishkene bóligi ǵana. Máselen, taý-ken baıytý kesheniniń eki qyzmetkeri bilim alǵannan keıin ýchaske basshylary boldy, odan basqa da talaıy mansaptyq jolyn jaqsartty.
Mundaı qoldaý qyzmetkerlerdiń ózderine ǵana jasalyp qoımaı, olardyń otbasylaryna da qolyn sozady. Mundaı múmkindik qyzmetkerlerdiń balalaryna sapaly bilim alýǵa jol ashyp, olardyń kásibı damýyna keń óris beredi. Kompanııa muny bolashaq maman býynyna qosqan úles jáne ujym ishindegi áleýmettik qundylyqtardy nyǵaıtý dep biledi.
Altynalmas bilim granttaryn berýge baıqaý ótkizedi. Bıyl Qazaqstannyń jetekshi joǵary oqý oryndary men kolledjderine 39 ótinim maquldandy, olardyń qatarynda Saǵynov atyndaǵy Qaraǵandy tehnıkalyq ýnıversıteti, Satbayev University, Stepnogor taý-ken tehnıkalyq jáne Taraz gýmanıtarlyq-tehnıkalyq kolledjderi bar.
Suranysy eń joǵary mamandyqtar qatarynda paıdaly qazba baıytý, marksheıderlik is, ken oryndaryn jer asty ádisimen ıgerý, elektr energetıkasy, geologııa, geodezııa jáne t.b. bar.
Bilim berý granttary baǵdarlamasy – «Altynalmas AK» AQ-tyń barlyq kásiporyndaryna qatysty kadr oqytý, damytý jáne biliktilikti arttyrýdyń keshendi júıesiniń bir bóligi. Qyzmetkerlerdiń damýyna ınvestısııa sala otyryp, kompanııa óz bolashaǵyna qamqorlyq jasap, básekege qabilettiligin arttyrady. «Kompanııa ishinde maman ósirý» strategııasynyń jemisi de pisip jatyr: qyzmetkerler bilim alyp, mansabyn ósirýge múmkindik alyp jatyr, oqý oryndarynda yntaly stýdent sany artyp, kompanııa daıyn maman alyp jatyr.
Altynalmas qyzmetkerlerdiń bilimine salynǵan ınvestısııa kompanııa men búkil Qazaqstannyń taý-ken salasynyń bolashaǵyna salynǵan ınvestısııa dep biledi.
