Jýyrda BUU-nyń Azyq-túlik jáne aýyl sharýashylyǵy uıymy (FAO) men Qazaqstan ekologııalyq uıymdary qaýymdastyǵynyń (QEUQ) «Klımattyq turaqtylyqty qamtamasyz etý jáne jaıylymdyq alqaptardy qalpyna keltirýge arnalǵan agrolesomelıorasııa» (GCP/KZK/005/GFF) jobasy aıasynda Aqtóbe oblysynyń Aıtekebı men Muǵaljar aýdandarynyń fermerlerine arnalǵan kóshpeli semınarlar men tájirıbelik kórsetilimder ótkizildi.
Buǵan deıin, 1 qyrkúıekte oblys ákimi Ashat Shaharov bul bastamanyń erekshe mańyzyn atap ótip, klımattyń ózgerýine beıimdelý sharalary aýyl sharýashylyǵynyń damýy men jaıylymdardyń ónimdiligin saqtaýymen tikeleı baılanysty ekenin jetkizgen bolatyn. Araltoǵaı men Taldysaı aýyldyq okrýgterinde joba sarapshylary jergilikti fermerlermen birlesip, erkekshóp pen túıejońyshqa sııaqty malazyqtyq daqyldardyń egistigine arnalǵan tájirıbelik úlgi alqaptaryn qurdy.
Tuqym sharýashylyqtar arasynda kezek prınsıpin eskere otyryp ári zamanaýı aýylsharýashylyq tehnıkasyn, sonyń qatarynda chızeldi soqany paıdalaný arqyly ǵylymı negizdelgen ádisteme boıynsha sebildi. Bul jumys fermerlerdiń úlken qyzyǵýshylyǵyn týdyrdy.
Jergilikti qaýymdastyqtardy oqytý men tartýǵa erekshe kóńil bólindi. Osy maqsatta birqatar aýyldar men aýdan ákimderi qatysqan kóshpeli semınarlar ótti. Sondaı-aq, aýyl turǵyndarymen kezdesýler de uıymdastyryldy. Ártúrli formatta ótken bul kezdesýlerde jaıylymdardyń tozýyn azaıtýǵa jáne klımattyq turaqtylyqty arttyrýǵa baǵyttalǵan sharalar talqylandy. Fermerler, úı sharýashylyǵynyń ókilderi, áıelder men jastar óz pikirlerin bildirip, ortaq usynystar jasady.
FAO men QEUQ ótkizgen oqytý semınarlary jańa tıptegi aýyl kooperatıvterin qurý múmkindigi arqyly ónimniń qosylǵan qunyn arttyrýǵa múmkindik beretin zamanaýı tehnologııalyq sheshimderge arnalǵan vıdeorolıkter kórsetti.
«Fermerlerdiń jaıylymdardy qalpyna keltirýdiń praktıkalyq ádisterine qyzyǵýshylyǵy zor ekenin kórip otyrmyz. Mańyzdysy – jergilikti qaýymdastyqtardyń belsendi qatysýy. Bul bastamanyń turaqtylyǵy men ári qaraı damýynyń kepili», dedi joba sarapshysy.
FAO men QEUQ-nyń Aqtóbe oblysyndaǵy jobasy klımattyq ózgeristerge beıimdelý áleýmettik-ekonomıkalyq damýymen ushtasa alatynynyń aıqyn úlgisine aınalatyny sózsiz.
