Olardyń maqsaty – bolashaq óndiristik nysandardyń qaýipsizdigi men uzaq ýaqyt boıy paıdalanýyn qamtamasyz etý úshin topyraqtyń sıpattamalaryn jáne jerasty sýlarynyń deńgeıin jan-jaqty zertteý. Atalmysh jumystar aıaqtalǵannan keıin negizgi qurylys bastalady.
Joba Memleket basshysy belgilegen mindetterge sáıkes júzege asyrylýda jáne Aqtóbe áýejaıyn zamanaýı halyqaralyq habqa aınaldyrýdaǵy mańyzdy kezeń bolmaq.
Jańa otyn quıý kesheni áýe kemelerin RT jáne TS-1 markaly otyndarmen ǵana emes, sonymen qatar halyqaralyq naryqta suranysqa ıe Jet A-1 avıaotynymen de qamtamasyz etýge múmkindik beredi. Bul standartqa kóshý – Qazaqstandyjahandyq áýe kóligi jelisimen ıntegrasııalaý úshin qajet, sondaı-aq bul bolashaqta ekologııalyq taza avıaotyn (SAF) qoldanýdyń mindetti talaby.
Joba eki iske qosý kesheniniń qurylysyn kózdeıdi. Birinshi kezeńde kólemi 600 tekshe metrbolatyn mobıldi otyn quıý kesheni salynyp, eki otyn quıý kóligi satyp alynady. Ekinshi kezeńde negizgi nysan boı kóteredi – otyn quıý kesheniniń 20,2 myń tekshe metr otyn saqtaýǵa arnalǵan rezervýar parki, temirjol quıý-túsirý estakadasy jáne dıspetcherlik ortalyq.
Investısııa kólemi shamamen 5 mlrd teńgegebaǵalanǵan, jobany iske asyrý aıasynda 50-den asaturaqty jumys orny ashylady. Osylaısha, Aqtóbe áýejaıy tolyqqandy avıasııalyq habqa aınalyp, Qazaqstannyń Ortalyq Azııadaǵy negizgi tranzıttik torap retindegi róli kúsheıtilmek.
