Halyqaralyq basqosýǵa Túrki Akademııasynyń prezıdenti Shahın Mustafaev, ál-Farabı atyndaǵy QazUÝ rektory Janseıit Túımebaev, Túrik tarıh qoǵamynyń tóraǵasy Iýksel О́zgen, sondaı-aq Túrki memleketteri uıymyna múshe jáne baqylaýshy elderdiń tarıh, arheologııa ınstıtýttarynyń jetekshileri, belgili ǵalymdar men sarapshylar qatysty.
Is-sharanyń ashylýynda sóz sóılegen Túrki Akademııasynyń prezıdenti, akademık Sh. Mustafaev ǵalymdardyń kúsh-jigerin biriktirýdiń mańyzdylyǵyn atap ótip, bul bastama túrki halyqtarynyń baı tarıhı murasyn júıeli ári obektıvti túrde kórsetýge jol ashatynyn alǵa tartty.
Alqaly kezdesýge qatysýshylar bolashaq monografııaǵa qatysty óz usynystaryn ortaǵa salyp, onyń mazmundyq qurylymyn jan-jaqty talqylady. Sondaı-aq ǵylymı eńbektiń eki tomynyń jumys jospary jáne oryndalý merzimi bekitildi.
Aıta keteıik, túrki memleketteriniń ortaq tarıhyn jazý týraly bastama 2024 jylǵy 6 qarashada Bishkekte ótken Túrki memleketteri uıymynyń XI sammıtinde kóterilip, memleket basshylarynyń tapsyrmasyna sáıkes jobany júzege asyrýshy uıym retinde Túrik Akademııasy bekitildi. Atalǵan joba boıynsha alǵashqy jumys kezdesýi bıylǵy jyldyń aqpan aıynda Ankara qalasynda ótip, nátıjesinde taraptar yntymaqtastyq týraly hattamaǵa qol qoıǵan edi. Sondaı-aq, atalǵan jıyn barysynda eńbektiń jalpy jospary jáne tujyrymdamasy talqylanyp, eki tomdyq basylym daıyndaý jóninde sheshim qabyldanyp, árbir qatysýshy elden ulttyq komıssııalar qurylǵan bolatyn.
