Foto: ERG
Saltanatty is-sharada ERG tabysty tájirıbesin búkpesiz kórsetti: forýmǵa qala turǵyndary, kenshiler, belsendi jastardan bólek, «Qazaqmys», «Qarmet», «Qazatomprom» sııaqty taý-ken metallýrgııa kompanııalarynyń ókilderi, sondaı-aq monoqalalardyń ákimderi qatysty.
Forýmǵa qatysýshylardy quttyqtaı kelgen Lısakov qalasynyń ákimi Abaı Ibraev kópshilikti qalada jergilikti ákimdik pen «ERG» kompanııasy birlese otyryp iske asyrylǵan ıgi ister jaıynan habardar etti.
«ERG» kompanııasy Lısakov qalasynyń áleýmettik, ekonomıkalyq damýyna erekshe úles qosyp keledi. Al kompanııa iske asyryp jatqan «Tugan Qala» jobasynyń mańyzy erekshe. Atalǵan áleýmettik joba aıasynda qalamyzda turǵyndardyń usynysy boıynsha kópke paıdasy tıetin birtalaı jańa nysandar salyndy. «Tugan Qala» qysqa merzim ishinde óziniń naǵyz halyqtyq joba ekenin dáleldep berdi», dedi qala ákimi.
Birtalaı jyldan beri Rýdnyı, Lısakov, Hromtaý, Aqsý qalalary men Qashar, Oktıabrsk kentterinde júzege asyrylyp kele jatqan «Tugan Qala» áleýmettik jobasynyń basty maqsaty – halyqpen birlese otyryp qalanyń ınfraqurylymyn jaqsartý, kelbetin kórkeıtý, bilim men medısına sapasyn kóterý, mádenıet pen buqaralyq sport túrlerin damytý. Munyń bári halyqtyń qalaýymen ǵana iske asyrylady. Iаǵnı, «Tugan Qala» jobasy aıasynda «ERG» kompanııasyna turǵyndardan san alýan máselege qatysty júzdegen áleýmettik joba kelip túsedi. Keıin turǵyndar bul jobalardyń árqaısyna daýys beredi. Kompanııa eń kóp daýys jınaǵan jobalardy iriktep alyp, oǵan qomaqty qarajat bólip, qysqa merzim ishinde júzege asyrady.
Mysaly, sońǵy 5 jyldyń ishinde ǵana «ERG» kásiporyndary jumys istep turǵan qalalardan 1 297 jobalyq usynys túsken. Onyń 423-i daýys berýge jiberilip, 185 joba qala turǵyndary tarapynan qoldaý tapqan.
Atalǵan bastama Lısakov qalasynda ótken jyly ǵana qolǵa alyna bastaǵan. Soǵan qaramastan aýyz toltyryp aıtarlyqtaı dúnıe kóp. Forýmǵa kelgen 150-den astam adam qalalyq jaǵajaıdaǵy vorkaýt-alańy, sport alańy, trenajerlar buryshy, kóp qabatty úıdiń turǵyndary kópten beri qol jetkize almaı kelgen avtoturaq, fýtbol alańy tárizdi qala turǵyndarynyń qalaýymen salynǵan nysandardy aralap kórdi.
Máselen, №14-shi shaǵyn aýdanda birneshe kóp qabatty úı, 300-ge tarta jeke turǵyn bar. Munda myńnan astam adam turyp jatyr. Buǵan deıin ne sport alańy, ne balalar oınaıtyn alańqaıy bolmaı kelgen shaǵyn aýdanda taıaýda ǵana vorkaýt jáne kóshe trenajerlary bar sport alańy paıda boldy. Bul alań ár túrli jastaǵy adamdardyń taza aýada sportpen shuǵyldanyp, densaýlyǵyn nyǵaıtýyna septigin tıgizip otyr. Sport alańynyń janyna jergilikti ákimdik balalar alańqaıyn salyp bergen. Osynyń bári «Tugan Qala» jobasyna qatysqan osy shaǵyn aýdannyń qarapaıym turǵyny Aleksandra Gorbachevskaıanyń bastamasymen salynǵan dúnıe.
«Áleýmettik jaýapty kompanııa retinde biz qyzmetkerlerimizdiń jumys jaǵdaıyn jaqsartýǵa qomaqty qarajat quıyp kelemiz. Alaıda qyzmetimiz munymen shektelmeıdi. Jumysymyzdyń aýqymdy bóligi qyzmetkerlerdiń otbasyna, olar turyp jatqan qalalardyń ınfraqurylymyn jaqsartýǵa baǵyttalǵan. Qala turǵyndary túgel bile bermeýi de múmkin, biraq, «ERG» men Qostanaı oblysynyń ákimdigi arasynda birlesken áleýmettik damytý baǵdarlamalary bar. Ákimdik pen «ERG» áleýmettik ınvestısııalardy qaıda baǵyttap, qandaı túıtkilderdi sheshý kerek degen máseleler boıynsha birlese qyzmet etedi. Osy oraıda, sonaý 2017 jyly áleýmettik jobalar baıqaýynda aıtylǵan «Tugan Qala» bastamasy osynshalyqty keń qanat jaıǵany bizdi qýantady. 2022 jyldan beri 207 mln. teńgeden astam qarajatqa 23 joba iske asty. Sonyń 6-ýy osy Lısakovta», deıdi «ERG»-diń áleýmettik qamtamasyz etý isi jónindegi dırektory Shattyq Ábdihalyqov.
Forým aıasynda qala turǵyndaryna «Áleýmettik jelilerdiń bızneske járdemi: satylym jáne ilgeriletý», «Kúndelikti turmysta JI-di qalaı paıdalaný kerek?» degen taqyrypta sheberlik sabaqtary ótti.
Forým sońynda «Týǵan qalam Lısakov» onlaın baıqaýynyń jeńimpazdary marapattaldy.
«ERG» kompanııasy elimizdiń áleýmettik ınfraqurylymyn damytýǵa mol ınvestısııa quıyp keledi. «ERG» kásiporyndary ornalasqan óńirlerge quıylǵan áleýmettik ınvestısııalardyń kólemi búginde 400 mlrd teńgege jýyqtaǵan.
Jalpy «Tugan Qala» jobasy alǵash ret 2020 jyly qolǵa alyndy. Sodan beri atalǵan joba aıasynda 144 áleýmettik nysan salynyp, iske qosylǵan. Olardyń qatarynda balalar men sport alańdary, art-nysandar, ınklıýzıvti jaǵajaılar, shańǵy roller joly sııaqty jobalar bar. «Tugan Qala» jobasy aıasyndaǵy bastamalardy iske asyrýǵa «ERG» jalpy somasy 1,8 mlrd teńgeden astam qarajat jumsaǵan.
