Foto: pixabay.com
Sezd dinder arasyndaǵy tikeleı dıalog pen senimdi nyǵaıtýǵa baǵyttalǵan. Qatysýshylar pandemııadan keıingi kezeńde jáne jańa geosaıası syn-qaterler jaǵdaıynda adamzat aldyndaǵy jahandyq mindetterdi sheshýdiń ortaq joldaryn qarastyrady.
Forýmǵa Dúnıejúzilik ıslam lıgasynyń Bas hatshysy Muhammed ben Abdýlkarım ál-Isa, Máskeý jáne búkil Rýs Patrıarhy Kırıll, Ierýsalım Patrıarhy Feofıl III, Izraıldiń bas ravvınderi, BUU Bas hatshysynyń orynbasary Mıgel Anhel Moratınos jáne ózge de álemdik deńgeıdegi lıderler jınalady.
Sezd jumysyna tórt seksııalyq otyrys, dinder dıalogyna arnalǵan plenarlyq májilister, BUU О́rkenıetter alıansynyń dinı nysandardy qorǵaý jónindegi arnaıy sessııasy jáne jas dinı kóshbasshylardyń II forýmy endi. Sonymen qatar, saraptamalyq dóńgelek ústelde ǵylym men dinı dıplomatııany ushtastyrý máseleleri talqylanady.
Forým aıasynda Esil jaǵasynda Beıbitshilik pen kelisim saıabaǵy ashylady. Onyń ortalyǵynda ornalasqan «О́mir aǵashy» monýmenti ótken, búgin jáne bolashaqty sabaqtastyratyn sımvol retinde usynylady. Buǵan qosa, «Týrın plashanısasy» men «Qasıetti kitaptar» kórmeleri ashylyp, Quran, Táýrat, Injil, býdda jazbalary syndy sırek jádigerler kópshilik nazaryna kórsetiledi.
