О́rtti sóndirýge osy kúni 282 adam men 121 arnaıy tehnıka tartyldy. Onyń ishinde Almaty oblysy men Almaty qalasynyń tótenshe jaǵdaılar departamenti, qutqarý qyzmeti, áskerı bólimder, sondaı-aq basqa da óńirlerden kelgen mamandar bar.
Qazir barlyq qyzmet kúsheıtilgen rejımde jumys istep jatyr. Jaǵdaı turaqty baqylaýda. Jaýapty mamandardyń aıtýynsha, mańaıdaǵy aýyl turǵyndarynyń ómirine esh qaýip joq. Dese de, Álı aýylynyń turǵyndary órt tutanǵan alǵashqy kúnnen bastap-aq tútinmen kelgen jaǵymsyz ıis bas aýyrtyp, uıqynyń buzylýyna áser etkenin, endi biri esik-tereze asha almaı qalǵandaryn ashyp aıtty.
«Tótenshe jaǵdaı rejımin engizý – órt sóndirýshiler men qutqarýshylardyń arnaıy tehnıkanyń jumysyn tıimdi úılestirýine múmkindik berdi. Qabyldanǵan sharalar órt saldaryn jedel joıýǵa baǵyttaldy», – deıdi TJD ókilderi.
Arnaıy qyzmet ókilderi aýa quramyn árbir 4 saǵat saıyn tekserip otyr. Mamandardyń aıtýynsha, adam aǵzasyna qaýipti shekten tys zııandy zattar anyqtalmaǵan.
Oqıǵa ornynda palatalyq lager men dalalyq ashana ornalasqan. Dárigerler kezekshilik jasap, órt zerthanasy men TJD tergeý bóliminiń mamandary jumys isteýde.
Almaty oblysy.
