«Azamattarǵa arnalǵan úkimet» memlekettik korporasııasynyń Shymkent qalalyq fılıaly qalada dúnıege kelgen sábılerge qoıylatyn eń tanymal esimder týraly qyzyqty málimet usyndy.
Sońǵy jyldary ata-analardyń talǵamy ózgerip, balalarǵa shyǵystyq úlgidegi ádemi esimderdi jıi qoıatyn bolǵan. Máselen, bul kúnderi qyzdarǵa – Marýa, Hadııa, Aısafı, al uldarǵa – Omar, Ábý Bákir, Ibrahım esimderin kóbirek qoıa bastady.
Sonymen qatar qazaqy dástúrli esimder de óz mańyzyn joǵaltpaı keledi. Qyzdar arasynda – Kórkem, Aıaýlym, Aıkórkem, al uldar arasynda – Ertulǵa, Ámire, Daryn esimderi jıi kezdesedi.
«Ár esim – ata-ananyń júrek qalaýynan týǵan erekshe tańdaý. Ol balanyń bolashaqtaǵy beınesin qalyptastyrýda úlken ról atqarady», – dep atap ótti «Azamattarǵa arnalǵan úkimet» memlekettik korporasııasy Shymkent qalalyq fılıalynyń dırektory Aınur Tobaeva.
Aıta ketsek, týý týraly kýálikti rásimdeýdi qazir onlaın túrde de jasaýǵa bolady. 2025 jyldyń basynan beri Shymkentte 20 myńnan astam nárestege týý týraly kýálik berilgen.
