Onyń aıtýynsha, buǵan sebep – eldegi qarjylyq jaǵdaıdyń turaqsyzdyǵy.
«Eger memlekettik qarjynyń jaǵdaıy sál turaqtyraq bolǵanda, bálkim, onsyz da isteýge bolatyn edi. Biraq postkovıd kezeń keldi, biz áleýmettik salaǵa aıtarlyqtaı qarajat quıýǵa májbúr boldyq. Sonyń ishinde pandemııanyń saldaryn joıý úshin de. 2022–2023 jyldary ekonomıkaǵa edáýir qarjy quıyldy, shyǵys bóligi ulǵaıtyldy», dedi Jumanǵarın.
Úkimetke bıýdjet tapshylyǵyn azaıtý maqsatynda shyǵyndardy qysqartý tapsyrylǵan. Mınıstrdiń aıtýynsha, basty mindet – bıýdjet tapshylyǵyn tómendetý, al bolashaqta – memlekettiń qaryzǵa táýeldiligin azaıtý bolǵan.
«Biz muny oryndaı almaıtynymyzdy anyqtadyq. Shyǵyndardyń 98 paıyzy qysqartýǵa jatpaıdy. Nege? Sebebi sońǵy bes jyl boıy qarajat áleýmettik salaǵa – jalaqyǵa, zeınetaqyǵa, áleýmettik tólemderge baǵyttalyp keldi. Dál osy sebepten salyq reformasy bastaldy. О́ıtkeni shyǵys bóligin qysqartý múmkin bolmaǵandyqtan, kiris bóligin arttyrý qajet», dep túıindedi mınıstr.
