Depýtattardyń málimetinshe, О́skemennen bastalyp Ulan, Samar aýdandaryn qamtıtyn, Buqtyrma sý qoımasyndaǵy jańa kópir arqyly Kúrshim, Tarbaǵataı, Zaısan aýdandaryna ótetin, Marqakól – «eski avstrııalyq» jol – Qatonqaraǵaı baǵyty qalyptasqan.
«2025 jyly osy marshrýtty tańdaǵan týrıster sany byltyrmen salystyrǵanda bes ese artty», - dep kórsetilgen saýalda.
Sonymen birge týrızmdi tejeıtin máseleler ataldy: sapaly qonaq úı, tamaqtaný jáne servıs ınfraqurylymynyń jetkiliksizdigi; qoqys pen órt qaýipsizdigine qatysty ekologııalyq táýekelder; Qaton-Qaraǵaı ulttyq parki men Marqakól qoryǵyn saqtaý qajettiligi.
«Jergilikti halyq úılerin jalǵa berip, qymyz, bal, qurt sekildi ónimderdi satyp tabys tapqanymen, bul áleýetti tolyq ashýǵa jetkiliksiz», - delingen qujatta.
Depýtattar usynǵan negizgi sharalar:
- ShQO boıynsha týrıstik baǵyttardy damytýǵa arnalǵan jol kartasyn qabyldaý;
- 2026–2028 jyldarǵa arnalǵan respýblıkalyq bıýdjetke jańa áýe baǵyttaryn sýbsıdııalaý máselesin engizý;
- Zaısan – Úrimshi halyqaralyq baǵytyn ashý múmkindigin zerdeleý;
- Marqakól men Zaısanda sheteldik týrısterge arnalǵan demalys oryndary men oıyn-saýyq nysandary (onyń ishinde kazınolar) jobalaryn qoldaý – ınvestısııa tartý úshin;
- Glýbokoe aýdany men Rıdder qalasynda taý shańǵysy kýrorttaryn salýdy «Báıterek» UBH» AQ qarjylandyrýymen qamtamasyz etý.
Saýalda Prezıdent tapsyrmasyna sáıkes Zaısan jáne Qatonqaraǵaı aýdandarynda jańa áýejaılar salynyp jatqanyn, bul týrıstik aǵyndy ulǵaıtatyny atap ótilgen.
«Rıdder taý klasteri strategııalyq mańyzy bar joba retinde jańa jumys oryndaryn ashyp, salyq túsimderin arttyryp, halyqaralyq deńgeıdegi keshendi týrıstik ónim qalyptastyrady», - dep túıindelgen.
Depýtattar Konstıtýsııalyq zańǵa sáıkes atalǵan depýtattyq saýalǵa zańda belgilengen merzimde jazbasha jaýap berýdi suraıdy.
