Jalpyǵa Ortaq Eńbek Qoǵamy ıdeıasyn ilgeriletý maqsatynda QR Eńbek jáne halyqty áleýmettik qorǵaý mınıstrligi bastamasymen eńbek áýletteri men óndiris jumyskerleri arasynda ótkizilip kele jatqan bul konkýrs eńbek adamynyń mártebesin arttyrýǵa baǵyttalǵan.
Bıylǵy «Eńbek Joly» konkýrsynyń oblystyq kezeńine barlyǵy 38 úmitker qatysyp, óz eńbegimen óńir damýyna Onyń ishinde: «Úzdik eńbek áýleti» nomınasııasyna – 7 úmitker, «Jumys isteıtin jastardyń úzdik tálimgeri» nomınasııasyna – 14 úmitker, «О́ndiristiń úzdik jas mamany» nomınasııasyna – 17 úmitker baq synady.
Konkýrstyq komıssııa otyrysynyń sheshimimen úsh nomınasııa boıynsha jeńimpazdar anyqtaldy. Respýblıkalyq konkýrsqa bizdiń oblystyń atynan qatysatyn nomınanttar:
- «Úzdik eńbek áýleti» nomınasııasy boıynsha Taskalıevter áýleti;
- «Jumys isteıtin jastardyń úzdik tálimgeri» nomınasııasy boıynsha Metekesov Qoblan Rysqalıuly;
- «О́ndiristiń úzdik jas mamany» nomınasııasy boıynsha Igımova Neılıa Amırbekqyzy.
Saltanatty jıynda oblys ákimi Narıman Tóreǵalıev qatysýshylardy quttyqtap, eńbektiń qoǵamdaǵy orny men mańyzyna toqtaldy:
– Memleket basshysynyń bastamasymen aǵymdaǵy 2025 jyl – Jumysshy mamandyqtar jyly bolyp jarııalanýy – mańdaı terimen el damýyna úles qosyp júrgen eńbek adamyn ardaqtaýǵa baǵyttalǵan tarıhı qadam, – dedi aımaq basshysy.
Konkýrs jeńimpazdary men júldegerlerine arnaıy dıplomdar men syılyqtar tabys etildi. Endi olar «Eńbek joly» respýblıkalyq baıqaýyna oblys atynan qatysyp, Batys Qazaqstannyń eńbek adamyn barshaǵa tanytpaq.
