Osy baǵytta qolǵa alynǵan «QazElastoPlast» zaýytynyń ashylýy – óńirdiń óndiristik áleýetin arttyrýǵa baǵyttalǵan naqty qadam. Zaýyt Qazaqstannyń avtoóndirýshileri úshin qajetti avtokomponentter óndirisin jolǵa qoıýdy kózdeıdi.
Jobanyń jalpy ınvestısııa kólemi 600 mıllıon teńgeni quraıdy. Bul qarajat zamanaýı eýropalyq qural-jabdyqtardy satyp alýǵa, óndiris tehnologııasyn jetildirýge jáne joǵary sapaly ónim shyǵaratyn óndiris jelisin iske qosýǵa baǵyttaldy.
Kásiporyn jylyna 150 myń jıyntyq avtopolıkter shyǵarýǵa qaýqarly. Bul kórsetkish ishki naryqtaǵy suranysty tolyqtaı qanaǵattandyryp, shetelden ákelinetin ónimderge táýeldilikti aıtarlyqtaı tómendetedi.
Búgingi tańda zaýytta 30 adam turaqty jumyspen qamtylǵan, bul – jergilikti turǵyndar úshin mańyzdy áleýmettik qoldaý. Jumysshylardyń ortasha aılyq jalaqysy 250 myń teńgeni quraıdy. Bolashaqta óndiris kólemi artqan saıyn jańa jumys oryndary ashylyp, qyzmetkerler sany da kóbeımek.
Zaýytta shyǵarylatyn ónim túrleri avtomobıl ónerkásibiniń negizgi qajettilikterin qamtıdy. Tarqatar bolsaq, úıindi kilemder, túrli úlgidegi avtomobıl tósenishteri, shashyratqyshtar, tyǵyzdaǵysh rezeńke taspalar.
Bul ónimder Qazaqstandaǵy avtokólik qurastyratyn zaýyttar úshin asa qajet. Buǵan deıin mundaı bólshekter negizinen Reseı, Qytaı jáne basqa da elderden ımporttalatyn. Endi «QazElastoPlast» zaýytynyń jumysy arqasynda otandyq avtoónerkásip tolyqqandy jergilikti ónimge súıenip jumys isteýge múmkindik alady.
Zaýyttyń ashylýy tek óndiristik salaǵa ǵana emes, áleýmettik baǵytqa da oń áserin tıgizedi. Jańa jumys oryndarynyń paıda bolýy – jergilikti turǵyndar úshin turaqty tabys kózi. Sonymen qatar, kásiporynnan túsetin salyq túsimderi aýdandyq jáne oblystyq bıýdjetterdiń kirisin arttyryp, áleýmettik jobalardy qarjylandyrýǵa múmkindik beredi.
Jambyl aýdanynyń ákimi óz sózinde zaýyttyń ashylýy óńirdiń ekonomıkasy úshin úlken jetistik ekenin atap ótti: «Bul joba bizdiń aýdannyń óndiristik áleýetin arttyryp qana qoımaı, Qazaqstandaǵy avtoónerkásiptiń damýyna jańa serpin beredi. Memleket tarapynan kórsetilip otyrǵan qoldaý nátıjesinde osyndaı zamanaýı kásiporyndar iske qosylyp jatyr. Bul – ımportty almastyrý saıasatynyń naqty kórinisi», – dedi ol.
«QazElastoPlast» zaýyty ónim sapasyna erekshe mán beredi. О́ndiris prosesinde ekologııalyq talaptarǵa saı jáne halyqaralyq standarttarǵa sáıkes keletin materıaldar qoldanylady. Zaýytta ornatylǵan zamanaýı tehnologııalar ónimniń uzaq merzimdiligin, beriktigin jáne qaýipsizdigin qamtamasyz etedi.
Kásiporynnyń mamandary úzdiksiz oqytýdan ótip, óndiris tehnologııalaryn jetildirýmen aınalysady. Bolashaqta zaýyttyń ǵylymı-zertteý bólimi qurylyp, jańa úlgidegi avtokomponentterdi ázirleý josparlanýda.
Sarapshylardyń aıtýynsha, «QazElastoPlast» zaýyty Qazaqstandaǵy avtokomponentter óndirisin jańa deńgeıge kóteredi. Bul otandyq avtoónerkásip úshin asa mańyzdy, sebebi qosalqy bólshekterdiń jergilikti óndirisi avtomobıl baǵasyn tómendetip, naryqtaǵy básekege qabilettilikti arttyrady.
Sonymen qatar, bul joba elimizdiń ındýstrııalyq-ınnovasııalyq damý baǵdarlamasyna tolyq sáıkes keledi jáne óńirlik ekonomıkany ártaraptandyrýǵa úles qosady.
Almaty oblysy.
