Búgin Astana qalasynda «Eńbek adamy – El maqtanyshy» atty respýblıkalyq forým ótti. Forým jumysyna QR Premer-mınıstri Oljas Bektenov qatysty. Is-shara aıasynda Memleket basshysy Qasym-Jomart Toqaev jarııalaǵan Jumysshy mamandyqtar jylyna arnalǵan konkýrstyń jeńimpazdary saltanatty túrde marapattaldy.
Baıqaý «Medıa damytý qory» korporatıvtik qorynyń bastamasymen, QR Mádenıet jáne aqparat mınıstrligi men QR Eńbek jáne halyqty áleýmettik qorǵaý mınıstrliginiń qoldaýymen uıymdastyryldy. Baıqaýdyń basty maqsaty – qoǵamda jumysshy mamandyqtarynyń mártebesin kóterý, eńbekqorlyq pen kásibılik qundylyqtaryn dáripteý, sondaı-aq adal eńbegimen elge úlgi bolǵan azamattardyń shynaıy ómirlik oqıǵalaryn keńinen nasıhattaý.
2025 jylǵy 1 tamyz ben 15 qyrkúıek aralyǵynda konkýrsqa jýrnalısterden, blogerlerden, fotograftardan, vıdeograftardan, BAQ redaksııalarynan, kolledjderden, saıası partııalardan jáne ózge de uıymdardan 200-den astam ótinim qabyldandy.
Qazylar alqasy baıqaý jeńimpazdaryn bes nomınasııa boıynsha anyqtady:
«Eńbek dınastııasynyń jetistik tarıhy» atty Úzdik pýblısıstıkalyq maqala:
I oryn – shahtada shyńdalǵan otbasy týraly maqala, Arýjan Tleýbek, Karavan medıaportaly, Almaty q.
II oryn – atyraýlyq dınastııanyń tarıhy týraly maqala, Janat Shaıahmetova, Atyrau press, Atyraý q.
III oryn – Qurmantegi sheberhanasy týraly maqala, Qaınysh Buharbaı, «Indýstrıalnaıa Karaganda» oblystyq qoǵamdyq-saıası gazeti, Qaraǵandy q.
«Eńbek adamymen suhbat» atty Úzdik radıo suhbat:
I oryn – mal sharýasy sheberimen suhbat, Saltanat Sadıbekova, Qazaq radiosy, Astana q.
II oryn – baılanys tehnıgimen suhbat, Roman Býrkashev, Yasawi FM dıdjıtal-radıosy, Túrkistan q.
III oryn – «Chelovek trýda» radıosuhbaty, Olga Ashojına, «Jibek Joly» radıosy, Astana q.
«Eńbek adamynyń portreti» atty Úzdik beınerolık:
I oryn – frezerleýshi týraly beınerolık, Ýlan Sydykov, Aqtóbe
II oryn – metallýrg týraly beınerolık, Nurtóleý Ekibaı, Saryarqa Aqparat medıa holdıngi, Qaraǵandy q.
III oryn – hımııalyq taldaý zerthanashysy týraly beınerolık, Bazargýl Myrzataeva, Aqtaý q.
«Eńbekqorlyq pen kásipqoılyq qundylyqtaryn nasıhattaý» atty Úzdik telesıýjet:
I oryn – áskerı ushaq ınjeneri týraly telesıýjet, Nazgúl Pahmanova, «Habar» Agenttigi» AQ, Astana q.
II oryn – vodolaz týraly telesıýjet, Vıktorııa Kýsherbaeva, «Qazaqstan» RTRK» Aksıonerlik Qoǵamy Mańǵystaý oblystyq fılıaly, Aqtaý q.
III oryn – «Kásip túbi – násip» telesıýjeti, Nurtalap Sharapadın, «Ulytau» oblystyq teleradıokompanııasy, Jezqazǵan q.
«Sheberdiń bir kúni» atty Úzdik fotoreportaj:
I oryn – «Shoıyn balqytqan – Mustafa», Meıirbek Tajkýranov, «Jaıyq Press» JShS, Oral q.
II oryn – «81 jastaǵy kásipker áje súıikti isimen aınalysýda», Saltanat Jakýpova, Elorda info jelilik basylymy, Astana q.
III oryn – «Zolotoe pravılo Ývarova», Mıhaıl Mıtroshenkov, fotograf, Pavlodar q.
Qazylar alqasy músheleri jiberilgen barlyq ótinimderdi bekitilgen baıqaý erejesine sáıkes baǵalady. Qazylar alqasy quramyna belgili jýrnalıster, fotograftar, medıasala ókilderi, sondaı-aq eńbek saıasaty men biliktilik salasyndaǵy sarapshylar kirdi: Maksım Rojın- QR Parlamenti Májilisiniń depýtaty, Álisher Muqajan - QR Mádenıet jáne aqparat mınıstrliginiń Aqparat komıteti tóraǵasy, Lıazzat Ahmýrzına - «KAZENERGY» Qaýymdastyǵynyń atqarýshy dırektory, Gazıza Raımbek - jýrnalıst, telejúrgizýshi, prodıýser, Lıazat Shonaeva - QR «Atameken» UQP adamı kapıtaldy damytý departamenti dırektorynyń orynbasary, Dýlat Abıbýllaev - jýrnalıst, Sáken Dildahmet - táýelsiz ekologııalyq sholýshy, jabaıy tabıǵat fotografy, Aıbek Temırov - «Medıa damytý qory» KQ bas dırektorynyń orynbasary.
Jeńimpazdarǵa arnaıy sertıfıkattar men estelik syılyqtar tabystaldy. Baıqaýdyń demeýshileri - «Qazsınk» JShS jáne «Medıa damytý qory» korporatıvtik qory.
