Buǵan deıin ǵalymdar tek juldyzdy aınala qorshaǵan gaz ben shań arasyndaǵy bos keńistikti kórip kelgen. Sol jerlerdi jas planetalar «tazalaıdy» dep boljam jasalǵanymen, eshqashan naqty dálel bolmaǵan. Endi mine alǵash ret jas planetanyń ózi kózge anyq túsip otyr.
Zertteý Chılıdegi Magellan teleskoptary arqyly júrgizilgkn. Arnaıy MagAO-X tehnologııasynyń arqasynda Jer atmosferasynyń áseri azaıyp, ǵaryshtaǵydaı anyq sýret túsirýge múmkindik týǵan.
Sýretten planeta juldyzynan shamamen 56 astronomııalyq qashyqtyqta ornalasqany baıqalady. Ol sýtegini ózine tartyp, qyzǵan betinde plazmaǵa aınaldyryp, jaryq shyǵarady.
Ǵalymdardyń aıtýynsha, bul kórinis Kún júıesiniń alǵashqy mıllıondaǵan jyldardaǵy beınesin eske salady. Iаǵnı Iýpıter men Satýrn dál osylaı paıda bolǵan bolýy múmkin. Aıyrmashylyǵy — jańa tabylǵan planeta bizdiń basqa ǵalamsharlardan on ese iri.
