Departament keıbir tutynýshylardyń ádildikke qol jetkizýine kómektesken. Máselen, «Pavlodar-Vodokanal» JShS jańa tutynýshylardan tehnıkalyq qyzmet kórsetý jáne qubyrlardy jýý úshin zańsyz aqy talap etken. Shyn máninde, bul jumystar buǵan deıin oryndalǵan eken.
– Kásiporynǵa zań buzýshylyqtardy joıý, tutynýshylarǵa zańsyz óndirilgen somalardy qaıtarý jáne sýmen jabdyqtaýǵa tolyq qoljetimdilikti qamtamasyz etý týraly uıǵarym jiberildi. Ol tolyq kólemde oryndaldy. Sonymen qatar, kásiporynǵa qatysty ákimshilik is qozǵaldy. Zańbuzýshylyq nátıjesinde alynǵan kiristiń on paıyzy mólsherinde aıyppul salyndy. Ol da tolyǵymen tólendi. Jalpy jyl basynan beri óńir monopolısterine salynǵan aıyppuldardyń jalpy somasy 20 mıllıon teńgeden asty, - deıdi óńirlik tabıǵı monopolııalardy retteý departamentiniń basshysy Nurlan Nurmuratov.
Pavlodar oblysy
