Vaksına sozylmaly aýrýy bar balalarǵa, muǵalimderge, medısına qyzmetkerlerine, áskerı qyzmetshilerge, júkti áıelderge jáne qart adamdarǵa tegin salynady.
«Vaksına respýblıkanyń barlyq óńirine jetkizildi. Ony tirkelgen emhana boıynsha alýǵa bolady. Ekpe JRVI men tumaýdyń epıdemııalyq maýsymy bastalar aldynda júrgiziledi. Bul aǵzany qorǵap, vırýsqa qarsy antıdeneler qalyptastyrýǵa kómektesedi. Sondaı-aq tynys joly ınfeksııasynan keıingi asqynýlardyń aldyn alady», dedi Infeksııalyq aýrýlardy baqylaý basqarmasynyń bas sarapshysy Saltanat Bekqojına.
Onyń aıtýynsha, naýqan barlyq jas toptaryn qamtıdy: ekpeni alty aıdan asqan balalar da, 65 jastan asqan qarttar da ala alady.
«Qajet bolǵan jaǵdaıda vaksınasııany uıymdastyratyn kóshpeli egý brıgadalary bar», dep qosty Bekqojına.
Preparatqa teris áserler tirkelgen joq.
Densaýlyq saqtaý mınıstrligi profılaktıka sharalaryn eske saldy:
- adamdar kóp jınalatyn jerlerden aýlaq bolý;
- úı-jaıdy jıi jeldetý;
- qoldy jýý jáne aýrýdyń alǵashqy belgileri baıqalǵanda ózin-ózi emdemeı, dárigerge júginý.
Qazirgi tańda elde tumaý jaǵdaılary tirkelmegen.
