Aımaq basshysy Nurlybek Nálibaev jol ınfraqurylymyn damytýda atqarylǵan jumystardy atap ótip, jınalǵan qaýymdy jańa joldyń ashylýymen quttyqtady.
«Qyzylorda megapolıs bolmaǵanymen, qarqyndy qalalyq ınfraqurylym men ómir súrý sapasyn arttyrý, ekonomıkany ártaraptandyrý baǵytynda naqty qadam jasaǵan qala. Halyq sany jyl saıyn ósip kele jatqan oblys ortalyǵynda aımaq turǵyndarynyń shamamen 50%-ǵa jýyǵy turady. Biz jurtshylyqtyń jaıly ómir súrýine baǵyttalǵan, qaýipsiz, taza, qoljetimdi ári zııatker qala qurý baǵytynda naqty qadamdar jasadyq. Oblys ortalyǵynyń negizgi kósheleri, Shıeli aýdanynan kireberis jol, Iаssaýı, Jappasbaı batyr magıstraldi kósheleri tórt jolaqty bolyp keńeıtildi. Búgin Táýelsizdikke 25 jyl dańǵylynyń ekinshi kezeńi aıaqtalyp, el ıgiligine tabystalyp otyr.
Qorqyt ata áýejaıynyń jańa termınalynan bastap Gagarın kópirine deıingi 27,3 shaqyrym jol tórt jolaqty bolyp salyndy. Jol boıyndaǵy Syzdyq, Jańadarııa, Shirkeıli kanaldary ústindegi 3 kópir qaıta jańǵyrtýdan ótip, tórt jolaqty bolyp keńeıtildi.
Buǵan bıýdjetten 23 mlrd 962 mln teńge bólindi. Joldardy damytý qalada ómir súrýdi áldeqaıda yńǵaıly ári qaýipsiz etip, kólikterdiń kedergisiz qozǵalysyna oń septigin tıgizedi.
Qurylys jumystaryn sapaly ári merziminde júrgizgen «ÝAD» jaýapkershiligi shekteýli seriktestigine qyzylordalyqtardyń atynan shynaıy alǵysymdy bildiremin. Jańa jol berekeniń bastaýyna aınalsyn!
Elimiz eńseli, Táýelsizdigimiz máńgilik bolsyn!», dedi Nurlybek Mashbekuly.
Rásimde jańa joldy sapaly etip salýǵa úles qosqan merdiger mekeme qyzmetkerleri Qurmet gramotasymen jáne oblys ákiminiń Alǵys hatymen marapattaldy. Qoǵam qaıratkeri Ibragım Ábıbýllaev aq batasyn berdi.
Táýelsizdik dańǵylynyń ashylý rásiminde avto jáne velosherý uıymdastyryldy.
Sherýde keıingi jyldary zamanaýı tehnıkamen qamtamasyz etilgen salalardaǵy kólikter kórsetildi.
