«Taza Qazaqstan» ekologııalyq aksııasy aıasynda Ulytaý óńirinde jalpy oblystyq aǵash otyrǵyzý aksııasy ótti.
Tazalyq sharasynda óńirdi kógaldandyrýǵa basymdyq berilip, «Búkilqazaqstandyq aǵash egý kúni» uıymdastyryldy. Aksııa barysynda oblys aýmaǵynda 3000-nan asa aǵash kósheti otyrǵyzyldy. Bul bastama óńirdiń ekologııalyq jaǵdaıyn jaqsartýǵa, tabıǵatty qorǵaýǵa jáne jasyl jelekterdi kóbeıtýge baǵyttalǵan.
Kóshetterdi otyrǵyzýǵa memlekettik organdar men mekemelerdiń ókilderi, máslıhat depýtattary, qoǵamdyq keńes músheleri, Qazaqstan halqy Assambleıasynyń ókilderi men jastar jumyldyryldy. Jezqazǵan qalasyndaǵy «Naýryz» saıabaǵyndaǵy alleıa jańa kóshettermen tolyqty.
Oblysqa qarasty barlyq eldi mekende tal egý men tazalyq jumystary uıymdastyryldy. Aksııaǵa 5500 adam men 1085 ujym qatysty.
Uıymdastyrýshylar men qatysýshylar bul sharanyń qorshaǵan ortany qorǵaý mádenıetin qalyptastyrýda jáne jas urpaqqa ekologııalyq tárbıe berýde mańyzy zor ekenin atap ótti.
Ulytaý oblysy
