Foto: Úkimet, telegram
Vıse-mınıstr 9 aıdyń qorytyndysy boıynsha kólik jáne qoımalaý salasyndaǵy naqty kólem ındeksi 121,2%-dy quraǵanyn atap ótti.
Jánibek Taıjanovtyń aıtýynsha salanyń ósý qarqynyna júkterdi tasymaldaýdyń jalpy kóleminiń ulǵaıýy áser etip otyr. Ol 800 mln tonnadan asty, bul ótken jyldyń sáıkes kezeńinen 9,1%-ǵa artyq.
Sonyń ishinde avtomobıl kóligimen júk tasymaldaýdyń 1,3%-ǵa, júkterdi qubyrmen tasymaldaý boıynsha 15,9%-ǵa, sondaı-aq temirjol kóligimen 10,5%-ǵa ósýi baıqalyp otyr.
Al, jolaýshylar tasymalynyń ósýi (kóliktiń barlyq túrlerimen) 11,9% nemese 1,4 mlrd-tan astam adamdy quraǵan.
«Tasymal kólemi ekonomıkanyń jaı-kúıin kórsetedi jáne kórsetkishterdiń basym bóligi boıynsha ósim kórsetip jatyr. Júk tasymaly kóleminiń ósýi ekonomıkanyń bazalyq sektorynyń damýy esebinen qamtamasyz etildi, atap aıtqanda taý-ken metallýrgııasy, munaı-gaz, aýyl sharýashylyǵy, qurylys jáne saýda salalarynyń esebinen. Atalǵan salalar – kólik qyzmetteriniń negizgi paıdalanýshylary. Esepti kezeńde olardyń ósýi oń dınamıkany kórsetti», dep atap ótti J.Taıjanov.
