Foto: senate.parlam.kz
Memleket basshysy óz sózinde Parlamentti reformalaý Senatty taratý degen sóz emes ekenin basa aıtyp, ókildi bılik tarmaǵyn túbegeıli jańǵyrtý kerek ekenin atap ótti.
«Ekinshiden, parlamenttik reforma «Kúshti Prezıdent – yqpaldy Parlament – esep beretin Úkimet» saıası formýlasyna tolyq saı keledi. Jańa da atap óttim, bul – memleketimizdiń qurylymyn aıqyndaıtyn basty tujyrym. Túptep kelgende, parlamenttik reforma jáne osyǵan deıin júzege asyrylǵan reformalar bizdiń aımaqta buryn-sońdy bolmaǵan, shyn máninde, jańa basqarý júıesiniń negizin qalaıdy. Sondaı-aq taǵy bir mańyzdy máselege nazar aýdarǵym keledi: Parlamentti reformalaý bul – Senatty taratý degen sóz emes. Mundaı qate pikirge jol berýge bolmaıdy. Bizdiń aldymyzda turǵan maqsat – aıqyn. Biz ókildi bılik tarmaǵyn túbegeıli jańǵyrtýymyz kerek. Osylaısha, azamattarymyzdyń múddeleri men tilek-nıetin bildiretin zań shyǵarýshy organ múlde jańa sıpatqa ıe bolady», dedi Qasym-Jomart Toqaev.
