Bul tuskıizdi Bıbiǵaısha Halılaqyzy 1946 jyly qolǵa alyp, 16 jyl toqypty. 1970 jyly Kanadada ótken kórmege qoıylǵan. Jańaarqa aýdandyq tarıhı-ólketaný mýzeıiniń dırektory Erbolat Shýbaev:
«Kanadada ótken kórmeden keıin tuskıiz joǵalyp ketedi. Sodan respýblıkalyq «Mádenıet jáne turmys» (keıingi «Parasat») jýrnalynda «Abaıdyń qyz-kelinderi» atty foto jaryqqa shyǵady. Ol sýrette osy tuskıizge qyzdar men kelinderdi otyrǵyzyp qoıǵan eken. Ony ıesi Bıbiǵaısha ana tanyp qoıyp, sol ýaqyttaǵy Mádenıet mınıstri Dúısen Qaseıinovke hat jazyp, qundy dúnıesin mýzeıge qaıtadan aldyrady», deıdi.
Kilemniń uzyndyǵy bes metrden asady. Qabyrǵaǵa syımaǵan tusyn búktep qoıǵan, túrli-tústi órnektermen bezendirilgen tuskıiz mýzeı ishine erekshe sán berip tur.
Ulytaý oblysy
