Taǵylymdy týrnır

Týrnır basketbol qoǵam­das­tyǵy úshin erekshe mánge ıe. 18 jyl buryn aýdandyq deńgeıde bastaý alǵan bul jarys, ýaqyt óte kele keń tanymaldylyqqa ıe bolyp, oblystyq dárejege jetti. Bıylǵy jyly alǵash ret res­pýblıkalyq deńgeıde uıym­dastyrylyp otyr.

Týrnırdiń negizin qalaýshy­lardyń qatarynda elimizge belgili qoǵam qaıratkeri, pedagogıka ǵylymdarynyń doktory Amalbek Tshanov, Olımpıada chempıony men júldegerleri Ermahan Ibraı­mov, Dáýlet Turlyhanov, Nur­baqyt Teńizbaev, Demeý Jady­raev syndy tanymal tulǵalar bar. Týrnırdiń ashylý saltanatyna Baqytjan Ábdibaevtyń jaqyn týystary men dostary, sondaı-aq birqatar qurmetti qonaqtar qatysty.

«Baqytjan Ábdibaev soǵys­tan keıingi jyldary ósip, qıyn jaǵdaıda sportpen aınalys­qan. Elimizdiń aldyńǵy qatarly bas­ketbolshylardyń biri bolyp, KSRO quramasynyń qataryna ­en­di. Sportshy retinde ǵana emes, jas býyn oıynshylardyń tálimgeri retinde de tanyldy. Týrnır jaı ǵana jarys emes, bul – dástúr men rýhtyń jalǵasy. Mundaı is-sharalar arqyly jas­tar el sportynyń tarıhymen ­ta­nysyp, erik-jigerin shyńdaıdy», dedi Almaty oblysynyń dene shynyqtyrý jáne sport basqar­masynyń basshysy Aqjúrek Tańatarov.

Týrnırge Shyǵys Qazaqstan, Batys Qazaqstan, Túrkistan, Jambyl, Pavlodar, Qaraǵandy, Aqtóbe, Atyraý, Jetisý oblystary, Astana, Almaty, Shymkent qalalarynan, 2010–2011 jyldary týǵan balalardan quralǵan 20 komanda, 250-den astam jas sportshy qatysty. Jarys nátıjesinde Almaty oblysynyń quramasy jeńiske jetti. Júldeli 2-oryndy Talǵar aýdanynyń komandasy, 3-oryndy Jetisý oblysynyń komandasy enshiledi. Jeńimpazdarǵa kýboktar, medaldar men qurmet gramotalary tabys taldy.

Almaty oblysy