Foto: Ashyqt derekkóz
Oblystyq kásipkerlik jáne ónerkásip basqarmasynyń bólim basshysy Rızabek Musaǵalıevtiń aıtýynsha, atalǵan aksııany qoldaýǵa 60-tan astam saýda núktesi qoldaý bildirdi.
«Aksııanyń maqsaty – azyq-túlik baǵasyn 15 paıyzǵa tómendetý úshin qazaqstandyq taýarlardyń ýaqytsha arzandatylýyn qamtamasyz etý, otandyq ónimdi tutyný kólemin arttyrý, óndirýshiler men saýda jelileri arasyndaǵy baılanystardy nyǵaıtý. Bul ishki óndiristiń eńse tikteýine, eldiń ekonomıkalyq turaqtylyǵyn nyǵaıtýǵa yqpal etedi» deıdi Rızabek Musaǵalıev.
Onyń deregine qaraǵanda, tómen baǵamen satylatyn taýarlardy «Iаrmarka», «Anvar», «Ideal» jáne «Marco» sekildi iri sýpermarketterden tabýǵa bolady. Áleýmettik mańyzy bar azyq-túlik ónimderine arnalǵan tómen baǵalar arnaıy bezendirilgen sórelerde ornalastyrylǵan.
