Foto: Otbasy bank
Qazaqstandyqtar tıimdi jınaq júrgizip, qoljetimdi nesıe alýǵa turǵyn úı qurylys jınaqtary júıesi jáne onyń negizinde iske qosylǵan baǵdarlamalar arqasynda jetti. Bul baǵdarlamalar ártúrli halyq toptaryna baǵyttalǵan – jas mamandardan bastap, turǵyn úı kezeginde turǵan otbasylarǵa deıin. Olar jınaqtaý merzimin qysqartyp, tıimdi sharttarmen jyljymaıtyn múlik satyp alýǵa múmkindik beredi.
Bıyldan beri alǵashqy baspanasyn satyp alǵan qazaqstandyqtar sany mynadaı:
- Ǵalymdardan – 191 adam. Olarǵa nesıe jyldyq 5% mólsherlememen berilip, bastapqy jarna 10% boldy.
- Memlekettik baǵdarlamalar arqyly turǵyn úı kezeginde turǵan 4 935 adam baspanaly boldy. Nesıe mólsherlemesi 2% nemese 5%, bastapqy jarna 10% bolyp belgilengen.
- «Naýryz» jáne «Naýryz jýmysker» baǵdarlamalary boıynsha 7 038 qazaqstandyq úıli boldy. Áleýmettik osal sanattaǵy azamattarǵa nesıe mólsherlemesi 7%, qalǵandaryna – 9%. Aıta keterligi, bul baǵdarlama arqyly úı máselesin negizinen 35 jasqa deıingi jastar sheshe aldy – berilgen nesıelerdiń shamamen 60%-y olarǵa tıesili.
- Oblystardaǵy 4 656 turǵyn óńirlik baǵdarlamalar aıasynda jańa baspanasyna ıe boldy. Bul baǵdarlamalar ákimdiktermen birlese júzege asyrylady, sondyqtan sharttary ár óńirde ártúrli bolýy múmkin.
- Turǵyn úı qurylys jınaq júıesiniń qatysýshylary baǵdarlamalardan tys.
«Bıyldan beri Otbasy bankiniń qoldaýymen 60 myń qazaqstandyq otbasy óz baspanasyna ıe boldy. Olar jalpy 1,250 trln teńge nesıe aldy. О́tken jyldyń osy kezeńimen salystyrǵanda jańa turǵyn úıge qonys aýdarǵandar sany 15%-ǵa, berilgen nesıeler kólemi 37%-ǵa ósken. Bizdiń úshin erekshe mańyzdysy – bıyl árbir úshinshi Otbasy bank klıenti alǵash ret óz páteriniń esigin ashty. Bul degenimiz bank shynymen de adamdarǵa ómirindegi eń basty máselelerdiń biri – óz úıin satyp alý máselesin sheshýge kómektesip otyrǵanyn kórsetedi», dedi Otbasy bank basqarma tóraıymy Lázzat Ibragımova.
Qazirgi tańda Otbasy bankinde 3 195 535 qazaqstandyq óz baspanasyna jınaq jasaýda. Kún saıyn shamamen 2 500 jańa depozıt ashylyp, 200-deı nesıe berilýde. Bank qoldaýymen bıyldyń sońyna deıin taǵy 7 000–10 000 qazaqstandyq alǵashqy baspanasyn satyp ala alady dep kútilýde.
Túsinikteme: ártúrli baǵdarlamalar boıynsha jyldyq tıimdi syıaqy mólsherlemesi (JTSM) nesıelin alýshy kategorııasyna jáne kredıttik sharttarǵa baılanysty 2%-dan 13%-ǵa deıin ózgeredi. Jas ǵalymdar baǵdarlamasy boıynsha JTSM – 5,2%–5,5%;Turǵyn úı kezeginde turǵandar úshin JTSM – 2,0%–2,1% jáne 5,2%–5,8%; «Naýryz» baǵdarlamasy boıynsha JTSM – 7,1%–9,6% jáne 9,4%–13%.
