Fotolar: Mádenıet jáne aqparat mınıstrligi
«Búgin Memleket basshysy Respýblıka kúni qarsańynda bir top azamatty memlekettik nagradalarmen marapattaý týraly jarlyqqa qol qoıdy. Olardyń qatarynda halyqpen ete jumys istep júrgen qarapaıym eńbek adamdary da bar. Bul marapat sizderdiń kópjyldyq eseli eńbekterińizdiń laıyqty baǵalanýy dep bilemin. О́ıtkeni birińiz aqparat aıdynynda aıanbaı eńbek etip, halyq pen bılik arasynda altyn kópir bolyp júrseńizder, al endi bireýlerińiz óner salasy arqyly elimizdiń rýhyn kóterip, mádenı muralarymyzdy jańǵyrtýda zor eńbek etip kelesizder», dedi Aıda Balaeva.
Mınıstrliktiń málimetinshe marapat ıeleriniń qatarynda «Astana Opera» memlekettik opera jáne balet teatry, K.Baıseıitova atyndaǵy Qazaq ulttyq óner ýnıversıtetiniń, E.Rahmadıev atyndaǵy memlekettik akademııalyq fılarmonııasy, R.Baǵlanova atyndaǵy «Qazaqkonsert» memlekettik konserttik uıymynyń jáne basqa da mádenıet mekemeleriniń qyzmetkerleri bar.
Sonymen qatar «Habar» agenttigi, «Qazaqstan» telearnasy, respýblıkalyq «Kazahstanskaıa pravda», «Egemen Qazaqstan» gazetteriniń, Ulttyq akademııalyq kitaphana jáne basqa da uıymdardyń qyzmetkerleri eleýsiz qalmady.
Saltanatty rásimniń sońynda elimizdiń jetekshi shyǵarmashylyq ujymdary ónerpazdarynyń qatysýymen konsert uıymdastyryldy.
