Sýret: turaninfo.kz
Málimetterge súıensek, dándi daqyldar barlyq egis alqaptarynyń 99%-ynda, ıaǵnı 15,8 mln gektarda jınaldy. Sondaı-aq burshaqty daqyldardy jınaý is júzinde aıaqtalyp, 1 mln tonnadan astam rekordtyq kórsetkishke jetti.
Qazir júgeri (134 myń ga, 77%), maıly daqyldar (3,5 mln teńge, 74%) jınalyp jatyr, kartop (3 mln teńge), basqa kókónister (3,9 mln teńge) men qaýyn-qarbyz daqyldary boıynsha jumys (2,6 mln teńge) tolyǵymen aıaqtaldy. Tyńaıtqyshtardy der kezinde qosý men bıylǵy kóktemgi dala jumystaryna qarjyny erterek bólý joǵary nátıjege qol jetkizýge erekshe yqpal etti.
Egis naýqanyna bólingen 700 mlrd teńgeniń 502 mlrd-y ıgerildi. Agrarlyq nesıe korporasııasy arqyly 2026 jylǵy egis naýqanyna jeńildetilgen qarjylandyrýǵa fermerlerden ótinim qabyldaý bastaldy. Buǵan qosa aýyl sharýashylyǵy tehnıkasyn jeńildetilgen lızıngke berý úshin bólingen 250 mlrd teńgege qazirdiń ózinde 253 mlrd teńgeniń ótinimi qabyldandy. Bul – 8 myńǵa jýyq aýyl sharýashylyǵy tehnıkasy jańartylady degen sóz.
«Damý» qory arqyly kóktemgi, kúzgi dala jumystaryna arnalǵan nesıelerdiń 85%-yna deıingi kepildik berý baǵdarlamasy júzege asyrylyp otyr. Bul kepil bazasy jetkiliksiz sharýalarǵa kóktemgi egis jumystaryna jeńildetilgen nesıe alýǵa múmkindik beredi. Búginde jalpy somasy 196,9 mlrd teńgege 1336 kepildik berildi, al qaryzdardyń jalpy kólemi 231,7 mlrd teńgege jetti.
Lısenzııalanǵan astyq saqtaý qoımalary egin qabyldaý qyzǵan shaqta da qalypty jaǵdaıda jumys atqaryp jatyr, ıaǵnı 5,4 mln tonnasy (40%) toldy, taǵy da 7,8 mln tonnaǵa jeterlik bos oryn bar. Egin jınaý bastalǵaly beri elevatorlarǵa 6,7 mln tonna astyq tapsyryldy, bul ótken jyldyń uqsas kezeńimen salystyrǵanda eki ese kóp (2024 jyly – 3,4 mln tonna).
Jınalǵan astyqtyń 54%-y – úshinshi synypty bıdaı. Aýyl sharýashylyǵy vıse-mınıstri Azat Sultanovtyń aıtýynsha, qazan aıynyń alǵashqy onkúndiginen bastap qant zaýyttary jańa ónimniń qyzylshasyn qabyldaýdy bastady. «Aqsý qant» zaýytynda kólik kezegin boldyrmaý úshin qyzylsha qabyldaýǵa elektrondy kezek júıesi engizildi. Jalpy, Jetisý óńirinde 154 myń tonna qant qyzylshasy jınaldy.
Vıse-premer negizgi astyq óndirýshi óńirlerdiń ákim orynbasarlarynyń egin jınaý barysy týraly esepterin tyńdady. Aımaqtar jeńildetilgen dızel otynymen tolyq qamtamasyz etilgeni aıtyldy, alaıda astyqty keptirýge arnalǵan kógildir otynnyń jetispeýshiligi baıqalady.
Úkimet basshysynyń orynbasary astyq qabyldaý prosesin kidirissiz aıaqtaý úshin Energetıka mınıstrligine óńirlerge qosymsha kógildir otyn bólýdi tapsyrdy.
