Dıktanttyń basty maqsaty – memlekettik tildi nasıhattaý, jazbasha saýattylyqty damytý jáne ulandyqtardyń til bilýge degen yntasyn arttyrý boldy.
«Dıktant ótkizýdiń arqasynda biz memlekettik tildi bilý árbir áskerı qyzmetshiniń kásibı jáne mádenı daıarlyǵynyń ajyramas bóligi ekenin taǵy da dáleldedik. Mundaı is-sharalar tilge degen qyzyǵýshylyqty kúsheıtip, jeke quramnyń saýattylyǵyn arttyrýǵa yqpal etedi», dedi bólimniń tárbıe jáne áleýmettik-quqyqtyq jumystar bólimshesi bastyǵynyń memlekettik tildi engizý jónindegi aǵa kómekshisi maıor Ásemgúl Muhamedrahımova.
Is-shara aldynda «Til – qazyna» ǵylymı-praktıkalyq ortalyǵynyń bas dırektory Maqpal Jumabaı men Halyqaralyq Qazaq tili qoǵamynyń atqarýshy dırektory Saılaýhan Abylaı qatysýshylarǵa arnaıy úndeý joldady. Olar tildiń Táýelsizdik pen halyq birliginiń basty nyshany ekenine nazar aýdardy.
Dıktant arnaıy jabdyqtalǵan oqý synyptarynda ótti. Qatysýshylar patrıottyq mazmundaǵy mátindi tyńdap, jazbasha túrinde oryndady.
Aıta ketsek, shara sońynda qatysýshylarǵa elektrondy alǵys hattar men kitap qosymshasyna tegin jazylymdar tabystaldy.
Áskerı qyzmetshilerdiń «Ulttyq dıktant» respýblıkalyq jobasyna qatysýy – bilim synaǵy ǵana emes, Otan qorǵaýshylar arasyndaǵy til mádenıetin damytýǵa qosylǵan úles boldy.
