Keshe Almaty qalasynyń Ortalyq qalalyq klınıkalyq aýrýhanasynyń bazasynda qaıtys bolǵan donordan, ıaǵnı 1962 jylǵy áıeldiń máıitinen kóp aǵzalyq aǵzalar alý prosesi atqarylǵan bolatyn. Densaýlyq salasyndaǵy erekshe oqıǵanyń endigi jalǵasy - Almatydaǵy Ortalyq qalalyq klınıkalyq aýrýhanasynyń oftolmologııa bólimi meńgerýshisi Gúlzat Ábdiraıymova kúrdeli kóz aýrýy saldarynan kórý qabileti nasharlaǵan eki naýqasqa kózdiń qasań qabyǵyn aýystyrý otasyn sátimen atqaryp otyr.
Kóziniń qasań qabyǵyn almastyrý múmkindigine ıe bolǵan 1983 jylǵy birinshi naýqas buryn kózdiń ortalyq qasań qabatyna endeı kirgen jaraqat saldarynan kózi kórmeı qalǵan.
Ekinshi naýqasqa býllıozdy keratopotııaǵa, qasań qabyqtyń kúrdeli ózgerisi, ıaǵnı kózdiń qaraýytýy menkórý qabiletiniń tómendeýine sebep bolǵan janama keratopatııa otasy jasalǵan.
Eki ota da sátti aıaqtaldy. Qasań qabyqqa jasalǵan otadan keıin eki naýqastyń da kórý qabileti jaqsarǵan, al ol adam ómir súrý sapasyna aıtarlyqtaı áser etedi. Dáriger Gúlzat Ábdiraıymova qazirgi tańda qasań qabaqty aýystyrý qasań qabyqtaǵy kórý qabiletin nasharlaý saldaryn joıýǵa múmkindik beretin birden bir ota ekendigin aıtady.
Zamanaýı mıkrohırýrgııalyq tehnologııalar osyndaı kúrdeli otalardy asqan dáldikpen jáne otadan keıingi asqynýlarsyz atqarýǵa jol ashyp otyr.
Taǵy bir toqtala ketetin jáıt, buǵan deıin Ortalyq qalalyq klınıkalyq aýrýhana bazasynda alty naýqastyń ómirin saqtap qalýǵa kómektesken mýltıaǵzalyq donorlyq prosesster júrgizilgen edi.
Bul Ortalyq qalalyq klınıkalyq aýrýhanadaǵy bıyl jasalǵan ekinshi qasań qabaqty aýystyrý otasy.
Osy maýsym aıynda janama keratoplastıkaǵa jasalǵan ota býllıozdy keratopatııa jáne kózdiń qaraýytýynan arylyp, kórý qabiletin qaıtarýǵa múmkindik bergen bolatyn.
