Foto: Zakon.kz
«Biz árdaıym kókónisterdiń, onyń ishinde kartoptyń baǵasyna boljam jasap otyramyz. Mysaly, byltyr baǵanyń ósýine shet memleketten suranystyń kóptigi áser etti. Eksport kólemi 600 myń tonnadan asty. Osyny eskere otyryp, biz bıyl kartop alqaptaryn ulǵaıttyq. Nátıjesinde bıyl qosymsha 2 mln 900 myń tonna kartop alyp otyrmyz», dedi mınıstr.
Onyń aıtýynsha, qazir jergilikti jerde sharýalar kartoptyń kılosyn 110-120 teńgeden saýdalap jatyr. Al dúkenderdegi orta baǵa – 180-185 teńge shamasy.
«Osy nátıjeni basshylyqqa alsaq, bıyl elde kartop baǵasy turaqty bolýǵa tıis. Sebebi naq qazir biz ishki naryqty toltyryp jatyrmyz. Demek, barlyǵy oıdaǵydaı bolýy kerek», deıdi Aıdarbek Saparov.
