Foto: el.kz
Ádette arterııa tarylǵan kezde emdeý úshin ballon qoldanylady da, ol zaqymdanǵan tamyr bóligine engizilip, 10-14 atmosferalyq qysymmen úrle ýarqyly tamyrdy keńeıtip, qannyń júrýin qalpyna keltiretin stent ornatýǵa múmkindik beredi.
«Alaıda aıqyn kalsınoz kezinde jaǵdaı áldeqaıda kúrdeli. Kalsıılengen túıinshektiń tyǵyzdyǵy sondaı, ony 20 atmosferaǵa deıingi qysymda da keńeıtý múmkin emes, osylaısha ballon tolyq ashylmaı qalady. Mundaı jaǵdaıda qysymdy 30 atmosfera ne odan joǵary deńgeıge deıin arttyrsa, arterııa jarylyp ketetindikten, bul prosedýra óte qaýipti», deıdi ıntervensııalyq kardıologııa bólimshesiniń meńgerýshisi Orazbek Sahov.
Medısınadaǵy mundaı máseleni jańa tehnologııa – ýltradybystyq lıtotrıpsııa qoldaný arqyly sheshýge bolady. Prosedýra kezinde zaqymdanǵan aımaqqa arnaıy ballon engiziledi. Ballon úrlengen kezde onyń ishinde ýltradybystyq ımpýls túzilip, ol kalsıılengen túıinshekti buzady. Tolqyn kalsııge baǵyttalǵan áser etedi de, onyń qurylymyn buzady, al tamyr qabyrǵasynyń jumsaq tinine zaqym keltirmeıdi.
Mundaı óńdeýden keıin ballon qaıta úrlenip, tamyr ońaı keńeıedi, stent ornatý qaýipsiz ári tıimdi atqarylady. Ýltradybystyq lıtotrıpsııa arterııanyń jarylý qaýpinsiz, jumsaq áser etýdi qamtamasyz etetindikten, kalsıılengen túıindi úgitip, kúrdeli kalsınoz kezinde de stentti sátti ornatýǵa múmkindik beredi ári qan aınalymyn tez qalpyna keltiredi.
«Bizdiń ortalyqta ýltradybystyq lıtotrıpsııa ádisimen úsh sátti ota ótkizildi. Barlyq jaǵdaıda arterııa tolyq ashylyp, stent esh qıyndyqsyz ornatyldy. Pasıentterdiń jaǵdaıy qanaǵattanarlyq, qan aınalymy qalpyna keldi, aýyrsyný belgileri joıyldy», deıdi Orazbek Sahov.
