«Bankter jáne bank qyzmeti týraly» zań jobasy týraly birinshi oqylymda sóz sóılegen depýtat 38 mıllıonnan astam banktik shot buǵattalǵan dep dabyl qaqty. Qansha adam qaltasyn qaǵyp, qaǵajý kórip otyr. Osyǵan baılanysty ol arnaıy áleýmettik shot engizýdi usyndy.
«Azamattardyń eń tómengi tabysyn qorǵaý, óndirip alýshy men boryshker quqyqtaryn saqtaý kerek. Sol sebepti áleýmettik shot nemese arnaıy banktik shot ashý týraly usynys berdim. Siz azamattarǵa aıyna 300 myń teńgege deıingi somada óndirip alýdan qorǵalatyn áleýmettik shot engizý bastamasyna qalaı qaraısyz? Shoty buǵattalǵan azamattar úshin sizdiń agenttik qandaı tásilder qarastyra alady?» dedi depýtat Mádına Ábilqasymovaǵa.
Mádına Ábilqasymova depýtat kótergen máseleni mańyzdy dep atap ótti. Ol bul usynysty zańdy qaraý kezinde talqylaıtynyn aıtyp, «Bul usynys áleýmettik jaǵynan mańyzdy. Biz ony jumys barysynda mindetti túrde qarastyramyz», dep jaýap berdi.
