«Keleshek mektepteri» jobasy aıasynda oblysta qurylysy qolǵa alynǵan 29 mekteptiń 13-i ótken oqý jylynda paıdalanýǵa berilse, bıyl 11 mektep ashyldy. Jyl sońyna deıin taǵy 5 jańa mektep paıdalanýǵa berilip, jospar tolyq oryndalmaq.
Memleket basshysynyń tapsyrmasymen júzege asqan bilim ordasy zamanaýı talaptarǵa saı jabdyqtalǵan. Mektepte sport zaly, mádenıet zaly, ashana, kovorkıng alańdary, kitaphana, májilis zaly, arnaıy pán kabınetteri men sheberhanalar bar. Sondaı-aq oqýshylardyń salamatty ómir saltyn qalyptastyrýyna arnalǵan ashyq fýtbol alańy da qarastyrylǵan.
№65 jalpy bilim beretin mektebiniń ashylý saltanatyna oblys ákimi Nuralhan Kósherov qatysyp, ustazdar men oqýshylardy quttyqtady. Jańa mektepti aralap kórgen ata-analar men oqýshylar sapaly bilim alýǵa barlyq jaǵdaı jasalǵanyn aıtyp, ǵımarattyń keńdigi men sánine erekshe rızashylyqtaryn bildirdi.
