Foto: Vietnam News
Vetnamnyń Tabıǵı apattardyń zardaptaryn joıý jáne bógetterdi basqarý basqarmasynyń málimetinshe, taıfýn saldarynan ondaǵan úı qıratylyp, 2 799 turǵyn úı zaqymdanǵan, sondaı-aq 11 balyq aýlaý kemesi sýǵa ketken.
Eń kóp qıraý Zıalaı jáne Daklak taýly provınsııalarynda tirkeldi. Munda 28 elektr jetkizý jelisi úzilgen, saldarynan shamamen 1,6 mıllıon adam jaryqsyz qalǵan.
Sınoptıkterdiń boljaýynsha, juma men senbi aralyǵynda Thanhoa provınsııasynan bastap Kýangchı provınsııasynyń soltústik bóligine deıingi aýmaqta jaýyn-shashyn mólsheri 200 mm-ge deıin jetýi múmkin.
Jergilikti bılik apat saldaryn baǵalaý jáne qalpyna keltirý jumystaryn uıymdastyryp jatyr.. Vetnamnyń vıse-premeri Ho Dyk Fok zardap shekken provınsııalarǵa jedel kómek kórsetý úshin ortalyq bıýdjet rezervinen 80 mıllıard dong (shamamen 3,04 mıllıon AQSh dollary) bólý týraly buıryqqa qol qoıdy.
Aıta ketsek, Vetnam jaǵalaýyna jetpeı turyp, «Kalmaegı» taıfýny Fılıppındi de soqqan edi, onda resmı derekter boıynsha 188 adam qaza tapqan.
