Foto: Oblys ákimdigi
О́ńirde ınklıýzıvti bilim berýdi damytýǵa serpin beretin balabaqsha erekshe balalardyń damýy men tárbıesine qolaıly orta qalyptastyrýdy kózdeıdi. Qurylys aýmaǵy 20 172,73 sharshy metrdi quraıdy, jumystar belgilengen josparǵa sáıkes júrgizilip jatyr.
«Balabaqsha jobasy ózgeshe. Joǵarydan qaraǵanda, gúl pishininde salynyp jatyr, ortalyq jáne bes eki qabatty bloktan turady. Qarjylandyrý jaǵynan esh másele joq. Qurylysshylar kúndiz-túni merziminde tapsyrýǵa kúsh salyp jatyr», dedi merdiger kompanııa «Kazstroıpodrıad» JShS óndiristik-tehnıkalyq bólim ınjeneri Nursultan Qaldymuratov.
Oblys ákimdiginiń málimetinshe, ár blok ortalyq atrıýmmen ótkelder arqyly baılanysady. Ortalyq bólikke qysqy baq pen kireberis vestıbıýl ornalastyrylady. Al jeke bloktarda túrli baǵyttaǵy balalarǵa arnalǵan bólimder bolady: №1 blok – tirek-qımyl apparaty buzylǵan balalarǵa; №2 blok – kórý qabileti buzylǵan balalarǵa; №3 blok – estý jáne sóıleý qabileti buzylǵan balalarǵa; №4 blok – zııatkerlik damýynda ereksheligi bar balalarǵa arnalǵan. Sonymen qatar, medısınalyq bólim, ızolıator, akt zaly, basseın, ákimshilik jáne ashana bólmeleri ornalasady.
Eske salaıyq, Aqtóbe oblysynda 423 erekshe bala balabaqshaǵa muqtaj. Jýyrda «Juldyz» arnaıy balabaqshasy jumysyn bastap, 136 erekshe bala qamtyldy.
«Bul – erekshe balalar úshin úlken múmkindik. Mundaı zamanaýı ári beıimdelgen mekemelerdiń salynýy – olardyń qoǵamǵa tolyqqandy aralasýyna jaǵdaı jasaıdy. Memleket basshysynyń tapsyrmasyna sáıkes, biz óńirde ınklıýzıvti bilim berý ınfraqurylymyn júıeli túrde damytamyz», deıdi Aqtóbe oblysynyń ákimi Ashat Shaharov.
