Kardıohırýrgııalyq kómek qoljetimdi

Baǵdarlamany daıyn­daý barysyn­da jo­ǵary tehnolo­gııa­lyq medısınalyq kómek­tiń qoljetimdiligin jaqsartý máselelerine, óńirdiń medısı­nalyq uıymdary qyzmetiniń jumysyna keshendi taldaý júrgizildi, ózekti máseleler anyqtaldy, olardy kezeń-kezeńimen sheshý jóninde sharalar usynyldy. Sonyń bir dálelindeı, ulytaýlyqtarǵa joǵary tehnologııalyq kardıo­­­­hırýrgııalyq kómek qol­jetimdi boldy.

Ulytaý oblysynda alǵash ret bes pasıentke kardıoverter-defıbrıllıatordy ımplanttaý boıynsha jo­ǵary tehnologııalyq operasııa jasaldy. Opera­sııalar Densaýlyq saqtaý mınıstrliginiń, Áleý­mettik medısınalyq saq­tandyrý qorynyń, «Qazaqmys» kor­porasııasynyń qol­daýymen, «Jezqazǵan» medı­sınalyq ortalyǵynyń bazasynda oryndaldy. Joba jetekshisi – UMC Heart Center ıntervensııalyq arıtmologııa bólimshesiniń meńgerýshisi О́mirbek Muz­daruly.

Buǵan deıin syrqat adamdar mundaı qyzmetterdi Astana, Almaty, basqa da iri qalalardyń medısınalyq orta­lyqtarynan alatyn. Endi kardıohırýrgııalyq kómek jergilikti jerde kórsetiledi. Bul emdelýge ketetin shyǵyn men kútý ýaqytyn qysqartady. Aıta keterligi, operasııalar MÁMS júıesi sheńberinde oryndalady. Demek, óńirdiń árbir saqtandyrylǵan pasıen­tine qoljetimdi bolady.

Ulytaý oblysy