PETROPAVL. 24 maýsym. Kóshi-qon polısııasy esebinde alıment pen qaryzdan jaltarǵan 163 adam esepte tur. «Iz kesý» jedel aldyn alý is-sharasy barysynda izdeýde júrgen 62 tulǵanyń meken-jaıy anyqtaldy. Bul týraly oblystyq IID-niń baspasóz qyzmeti habarlady.
Solardyń biri – Petropavl qalasynyń 31 jastaǵy turǵyny kópke deıinÝálıhanov aýdany Kishkenekól aýylynda jasyrynyp kelgen. Onymen júrgizilgen profılaktıkalyq tárbıe kezinde alıment tóleýden jaltarǵany úshin qylmystyq jaýapkershilikke tartylatyny qatań eskertildi. Ákimshilik aıyppulyn tólemeı júrgen 40 jastaǵy qalalyqtyń da meken jaıy belgili boldy. Al 26 jastaǵy boıjetken memleketke 2 mıllıon teńge bereshegin tólemeý maqsatymen Sochı qalasyna taban jaltyratqan.
«О́zderiniń qaryzdaryn óteýden jaltaryp júrgen adamdarǵa budan bylaı qylmystyq yqpal etý is-sharalary qoldanylatyn bolady», deıdi kóshi-qon polısııasy basqarmasynyń basshysy, polısııa podpolkovnıgi Erketaı Tutqyshev.
Aksııa aıasynda sot oryndaýshylar tártip saqshylarymen birlese otyryp, avtomobıl aıyppuldaryn óteýden jaltaryp júrgen 12 adamdy ustady. 3 mıllıon teńge óndirilip alyndy. Jyl basynan beri jergilikti qazyna 70 mıllıon teńgege tolyqqan.
Ákimshilik polısııasy basqarmasynyń bólim jetekshisi Marat Ábilmájinovtyń aıtýynsha, aksııaǵa 275 polısııa qyzmetkeri, 25 sot oryndaýshy, 67 avtokólik jumyldyrylyp, 15 reıd júrgizilgen.
О́mir Esqalı.
Derek, sýret: Soltústik Qazaqstan oblystyq IID-niń baspasóz qyzmeti.
