«Baǵanyń ósýin tejeý úshin jergilikti óndirýshilermen forvardtyq kelisimsharttar jasasyp, nan pisirý kásiporyndaryn qoldap, áleýmettik pavılondar ashyp jatyrmyz. Onda fermerler óz ónimderin deldalsyz, tegin berilgen saýda oryndarynda tikeleı sata alady. Bir pavılon ashyldy, taǵy ekeýiniń qurylysy júrip jatyr. Bul – qala turǵyndary úshin sapaly ári qoljetimdi ónim alý múmkindigi, al fermerler úshin ótkizý naryǵyn keńeıtýge jol ashatyn tıimdi alań», dedi oblys ákimi Ermaǵanbet Bólekpaev Ortalyq kommýnıkasııalar qyzmetinde ótken brıfıngte.
Oblysta egis alqaptaryn ártaraptandyrý jumystary qolǵa alynǵan. Bıyl azyqtyq daqyldardyń kólemi 30 paıyzǵa artsa, maıly daqyldar alqaby eki ese ulǵaıǵan. О́ńirde sút ónimderine degen ishki suranysty jabý basty maqsattardyń biri bolyp otyr. Nura aýdanynda 1 100 basqa arnalǵan sút-taýarly ferma iske qosylyp, jylyna 9 myń tonna sút óndiredi.
Al Osakarov aýdanynda 6 myń basqa arnalǵan iri ferma salynýda, ol jyl saıyn 55 myń tonna ónim óndirýdi qamtamasyz etedi.
Ermaǵanbet Bólekpaev Saumal Biotech kásipornyn mysal retinde keltirip, onyń bıe men túıe sútinen jasalatyn lıofıldengen qospalar men mal azyǵyn óndiretinin atap ótti.
«О́tken jyldan bastap bul zaýyt ónimin AQSh-qa eksporttap, Qytaımen de seriktestik ornatty. Bul – otandyq ónimniń sheteldik naryqta básekege qabiletti ekenin jáne joǵary suranysqa ıe ekenin dáleldeıdi», dedi aımaq basshysy.
Jalpy, agroónerkásiptik sektorda 47 mıllıard teńgege 31 joba júzege asyrylmaq, sonyń nátıjesinde 300-ge jýyq jańa jumys orny ashylady.
Qaraǵandy oblysy
