Foto: senate.parlam.kz
Shara barysynda senator 2026 jylǵy 1 qańtardan bastap kúshine enetin Salyq kodeksindegi negizgi jańalyqtar jóninde baıandama jasady. Ol korporatıvtik jáne jeke tabys salyǵynyń mólsherlemelerindegi ózgeristerge, arnaıy salyq rejımderin ońtaılandyrýǵa jáne salyqtyq ákimshilendirýdi jetildirý sharalaryna toqtaldy.
Nýrııa Nııazovanyń aıtýynsha, engizilgen ózgeristerdiń basty maqsaty – salyq júıesin jeńildetý, ákimshilik júktemeni azaıtý jáne turaqty ekonomıkalyq ósim úshin qolaıly jaǵdaı jasaý.
«Tıimdi salyq saıasatyn qalyptastyrý kásipkerlikti damytýǵa, ınvestısııalyq belsendilikti arttyrýǵa jáne azamattardyń ómir sapasyn jaqsartýǵa tikeleı áser etedi. Aıta keterlik jaıt, jańa kodekste áleýmettik mańyzy bar salalar men naqty ekonomıkany qoldaýǵa basymdyq saqtalyp otyr», dedi senator.
«Damý kúni» jobasy akademııalyq ortada pikirtalas mádenıetin damytýǵa, bilim alýshylardy saraptamalyq talqylaýlarǵa tartýǵa jáne memlekettik pen qoǵamdyq ınstıtýttar arasyndaǵy baılanysty nyǵaıtýǵa baǵyttalǵan. Qatysýshylar kezdesýdiń praktıkalyq mańyzdylyǵyn jáne zań shyǵarý tarmaǵy ókilimen tikeleı pikir almasý múmkindigin joǵary baǵalady.
