Foto: Kólik mınıstrlgi
Vıse-mınıstrdiń aıtýynsha jobanyń tapsyrys berýshisi – «Qazaqstan temirjoly» Ulttyq kompanııasy, al merdiger uıymdar jergilikti atqarýshy organdar tarapynan usynylǵan.
«Qazirgi ýaqytta 100 nysan boıynsha jobalyq-smetalyq qujatama memlekettik saraptamadan ótip jatyr. Qys mezgiline daıyndyq qamtamasyz etilgen. Jolaýshylarǵa arnalǵan ýaqytsha qurylystar men kútý aımaqtary ázir.
124 nysannyń 121-inde qurylys-montaj jumystary júrgizilip jatyr. Al qalǵan 3 vokzal boıynsha tarıhı-mádenı mura nysandary retinde ǵylymı-zertteýler jalǵasyp jatyr, sol 3 nysanǵa jóndeý 2026 jyly júrgiziledi», dedi vıse-mınıstr.
Onyń aıtýynsha vokzaldardyń shamamen 70%-y otyz jyldan astam ýaqyt boıy jóndeý kórmegen. Tehnıkalyq tekserýler nátıjesinde keıbir tireýish baǵandar men jekelegen konstrýksııalarda ary qaraı paıdalanýǵa jaramsyz aqaýlar anyqtalǵan. Osyǵan baılanysty 42 nysan tolyqtaı buzylyp otyr.
«Bıyl 80-nen astam vokzal paıdalanýǵa beriledi. Jergilikti atqarýshy organdar men merdiger uıymdar qurylys-montaj jumystarynyń qarqynyn kúsheıtýi qajet», dedi ol.
