Foto JI kómegimen jasaldy
О́nerkásip jáne qurylys mınıstrligi «Ashyq NQA» portalynda «Apattyq-dıspetcherlik qyzmet» kásibı standartynyń jobasyn jarııalady. Joba apat kezinde áreket etetin brıgadalardyń jumysyn, olardyń biliktilik deńgeıin jáne qandaı mindet atqaratynyn naqtylaıtyn ortaq talaptardy belgileýdi kózdeıdi.
Usynylǵan jańa standart birneshe mamandyq boıynsha kásibı deńgeılerdi retteıdi. Atap aıtqanda:
– kommýnaldyq qyzmet dıspetcheri (5-deńgeı);
– apattyq-qalpyna keltirý jumystarynyń slesary (3-deńgeı);
– apattyq-qalpyna keltirý pýnktiniń masteri (5-deńgeı);
– slesardyń 2-deńgeıdegi biliktiligi;
– jalpy profıldegi dıspetcher (4-deńgeı).
Mınıstrliktiń aıtýynsha, bul standart oqý oryndary men kásiporyndar úshin biryńǵaı talap ornatyp, apattyq brıgadalarda jumys isteıtin mamandardy durys daıarlaýǵa múmkindik beredi. Iаǵnı apatty jaǵdaı týyndaǵanda ınjenerlik júıelerdiń qaýipsiz ári toqtaýsyz jumysyn qamtamasyz etýge qajetti kadr daıyn bolady.
Joba qabyldansa, áleýmettik nemese ekonomıkalyq jaǵynan qosymsha salmaq túsirmeıdi dep josparlanyp otyr.
